Sal 95
95
Tiqabixaj rubi' ri Dios rik'in kikoten
1Kixanpe, qojch'on rik'in kikoten chire ri Jehová.
Rik'in kikoten qabixala' bix chire ri qatobal y qakolonel.
2Qojapon k'a chuwech rija' rik'in matioxinik.
Kan tiqanimirisaj k'a ruq'ij rik'in kikoten.
3Roma ri Jehová jari' ri nimalej Dios.
Kan xaxe k'a rija' ri rey pa kiwi' ri ch'aqa' chik dios.
4Roma kan pa ruq'a' rija' k'o-wi ri ruxe' ri ruwach'ulew.
Ronojel ri nima'q taq juyu' chuqa' kan e richin rija'.
5Ri palou kan e richin chuqa' rija',
roma kan ja rija' ri xebanon.
Kan ja rija' xbanon ri chaqi'j ruwach'ulew.
6Kixanpe k'a, tiqaya' ruq'ij ri Jehová, y tiqaqasaj-qi' chuwech.
Kan qojxuke' k'a chuwech ri Jehová ri xbanon qichin.
7Roma kan ja rija' ri qa-Dios, y roj kan oj rutinamit k'a rija'.
Kan oj achi'el rukarne'l richin ri ruqejoj y yojruchajij.
Kan tiwak'axaj k'a wakami ri nuch'abel yin Jehová.
8Man k'a tikowisiraj ri iwánima achi'el xbanatej ri ojer chiri' pa Meribá,
achi'el ri chiri' pa Masá pa tz'iran ruwach'ulew.
9Roma chiri' ri iwati't-imama' xinkitejtobej.
Xinkitejtobej, stape' kan xkitz'et ri nima'q taq nubanobal.
10Kawineq k'a juna' xq'axon ri wánima kik'in ri winaqi' ri'.
Roma ri' yin kan xinbij k'a chi rije' chi chaq kaka' kik'u'x.
Y xa man kitaqen ta k'a ri nupixa'.
11Roma ri' chupan ri woyowal xinya' nutzij,
y xinbij chi rije' man xke'ok ta chupan ri ruwach'ulew ri xtikichinaj.
Currently Selected:
Sal 95: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
