Sal 93
93
Ri Jehová jari' ri rey
1Ri Jehová jari' ri rey y xuwiq k'a ri' rik'in ruwaq'ijaj.
Rija' kan k'o ruchuq'a' y xuch'okoba' k'a jebel ri ruwach'ulew,
xuben chire chi man nisilon ta ri akuchi k'o-wi.
2Ri atz'uyubal rat Jehová kan ach'okoban-pe ojer ri', y kan man jun nisilon.
Kan ja rat ri at Dios richin tibe-q'ij tibe-seq.
3Nimalej Jehová, ri raqen taq ya' kan yewajin k'a;
kan yewajin k'a roma kan janila e nima'q.
4Jehová ri atk'o chila' chikaj ri kan k'o ronojel uchuq'a' pan aq'a'.
Ri awuchuq'a' kan nik'o chuwech ri ruchuq'a' ri palou.
Kan nik'o k'a chuwech ri ya' ri nibolqo't pa ruwi'.
5Nimalej Jehová, ri apixa' rat kan jari' k'a ri choj.
Ri ruch'ajch'ojil kan jari' ri ruk'amon chire ri awachoch.
Kan keri' k'a nimalej Jehová, tibe-q'ij tibe-seq.
Currently Selected:
Sal 93: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
