Sal 87
87
Bix pa ruwi' ri tinamit Sión*f88*
1Ri Jehová kan xujikiba' k'a ri tinamit Sión pa ruwi' ri juyu' ri kan ch'aron.
2Rija' kan janila nrajo' ri tinamit ri',
más ke chuwech ri ch'aqa' chik tinamit richin ri Israel.
3Rutinamit ri Dios, kan janila k'a k'iy jebelej taq ch'abel ri yebix chawij rat.
Ri Dios nubij:
4Ri ruwach'ulew Egipto*f89* y Babilonia ketaman nuwech.
Ri winaqi' aj-Filistea, aj-Tiro y ri aj-Etiopía kan xe'alex-pe chupan ri tinamit Sión.
5Ri tinamit Sión xtibix k'a pa ruwi':
Re jun ruwach'ulew re' y la jun chik, pa Sión xe'alex-wi-pe, xkecha'.
Re ruwach'ulew re' kan ja ri nimalej Dios xjikiban kichin.
6Ri Jehová xkerajlaj k'a konojel ri ruwach'ulew,
y xtutz'ibaj kibi' konojel winaqi' chupan ri ruwuj.
Y xtubij k'a chi rije' e aj-Sión, roma chiri' xe'alex-wi-pe.
7Konojel k'a bixanela' y q'ojomanela' ri ek'o chupan ri tinamit ri' xtikibij:
Ronojel ri kikoten ri k'o kik'in kan rik'in ri Sión nipe-wi, xkecha'.
Currently Selected:
Sal 87: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
