Sal 85
85
Bix richin kolotajik*f86*
1Nimalej Jehová, rat kan xajoyowaj chik ruwech re qaruwach'ulew.
Xaben k'a chi xel-pe chupan ri ximonri'il.
2Kan xakuy k'a qamak;
ronojel k'a ri mak ri xeqabanala' kan xatz'apej ruwi'.
3Kan xch'uch'u' k'a qa ri awoyowal;
y xatane' k'a chi relesaxik ri awoyowal chiqij.
4Qa-Dios y qakolonel roj, tabana' utzil qojakolo' chik wakami,
y taq'ata' ri awoyowal ri aya'on pa qawi'.
5¿Kan xtibe kami ruwech ri awoyowal pa qawi' roj?
¿Kan xtanimirisaj kami ri awoyowal chikij ri chi sol chi sol winaqi'?
6¿Kan man naya' ta chik kami ri qak'aslen,
richin chi roj ri oj atinamit yojkikot chik awik'in?
7Nimalej Jehová, tak'utu' k'a chiqawech ri ajoyowanik ri man k'isel ta,
kan taya' k'a ri kolotajik chiqe.
8Yin kan xtinwak'axaj k'a ri xtubij ri Jehová Dios,
roma kan nusuj uxlanen chiqe roj ri oj rutinamit y chike ri kan kich'aron-ki' chire rija',
richin chi man yetzolej ta chik kan chupan ri etzelal.
9Kan qitzij na wi chi ri Jehová kan naqaj k'o-wi chike ri k'o rukiy rija' chikiwech;
kan yeruto' richin chi ri ruk'ojlemal jantape' k'o chupan ri qaruwach'ulew.
10Rija' janila yojrajo' y kan nuben qik'in ri rusujun chiqe.
Nuben ri ruchojmilal qik'in, y kan nuya' uxlanen pa qánima.
11Y roj, pa ruk'exel niqamalij kan ri qa-Dios, xa más yojel-q'anej rik'in.
Y rija' yojrutzu-pe rik'in ruchojmilal.
12Ri Jehová kan xtuya' k'a ri urtisanik pa qawi',
y ri qaruwach'ulew kan xtiwachin k'a.
13Rija' nuteq-pe nabey ri ruchojmilal,
y nuya' jun retal richin roj niqatzeqelibej.
Currently Selected:
Sal 85: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
