Sal 75
75
Ja ri Dios ri q'atoy-tzij*f73*
1Yojmatioxin chawe qa-Dios, kan yojmatioxin-wi k'a,
roma rat naqaj atk'o chiqe roj.
Roj kan niqatzijoj k'a ri meyel taq banobel ri ye'aben rat.
2Rat kan kere' k'a nabij:
Yin ninq'et-tzij toq ninwajo' yin,
kan xtinq'et k'a tzij rik'in ruchojmilal.
3Toq nisilon ri ruwach'ulew y konojel ri ek'o chuwech,
ja yin ri yichapo ri temeyon richin.
4Yin kan ninbij k'a chike ri e nakaneq chi man tikinimirisaj-ki';
chike ri maneq Dios chikiwech, ninbij chi kan tikiqasaj-ki'.
5Ninbij chike ri k'o kuchuq'a', chi man tikinimirisaj-ki'.
Y toq yech'on, man tikiben chi kan janila e nima'q, yacha'.
6Ri ruchojmilal man nipe ta kere' pa relebel-q'ij, ni man nipe ta pa qajbel-q'ij.
Chuqa' man peteneq ta pa tz'iran ruwach'ulew, ni ta pa taq juyu'.
7Ri Jehová ri chojmirisey richin ronojel ri yebanatej;
k'o ri nuqasaj kiq'ij y k'o ri nunimirisaj kiq'ij.
8Ri ruchojmilal ri' achi'el jun qumbel nojineq chi vino ri janila ruchuq'a'.
Re ruchojmilal re' kan xtutix k'a pe rija',
y ri winaqi' ri maneq Dios chikiwech, kan xtikiqum k'a ronojel,
y man jun chik k'a tz'uj xtik'oje' kan.
9Jak'a yin kan jantape' xtintaluj rutzijol ri rubanobal ri nu-Dios,
xtinbixaj k'a rubi' ri ru-Dios ri Jacob.
10Ri kuchuq'a' ri e banoy etzelal kan xtich'akatej k'a.
Jak'a ri kuchuq'a' ri kan choj kik'aslen kan tinimirisex.
Currently Selected:
Sal 75: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
