Sal 73
73
Ri rutzil ri Dios*f70*
1Kan qitzij wi chi ri Dios kan janila utz rik'in ri rutinamit Israel,
kik'in ri ch'ajch'oj kánima chuwech rija'.
2Jak'a yin, kan jubama xitzaq;
xa rik'in ta chik juba' xijilijo' ta,
3roma yin kan xch'upun nuk'u'x chikij ri nima'q nikina-ki',
itzel xinna' toq xintz'et chi e beneq pa jotol ri maneq Dios chikiwech.
4Roma rije' kan man jun nikimey richin yeken;
y kan k'a janila jebel kuchuq'a'.
5Man jun bey k'a yejitz'atej pa samaj achi'el ri ch'aqa' chik winaqi',
Y man jun k'a ruk'ayewal nikiq'axaj.
6Roma ri' ri nimirisanen ri k'o kik'in, kan achi'el jun wiqobel kibanon chire,
ri kamik ri nikiben, kan yekikot rik'in.
7Ri runaq' taq kiwech kan achi'el ye'el-pe roma kitiojil;
ronojel ri nurayij ri kánima kan nikil.
8Kan xaxe k'a yetze'en y ruyon etzelal ri nikibij
ri kich'owen kan ruyon rik'in nimirisanen.
9Nikiyoq'-q'anej ri Dios ri k'o chikaj,
nikitzijola' ri nikiben chuwech re ruwach'ulew.
10Y kan ek'o k'a chuqa' winaqi' ri choj kik'aslen ri yebe kik'in;
kan junan k'a nikiben kik'in rije'.
11Kan nikibij k'a chi ri Dios man nretamaj ta ri nikiben rije',
y chi man jun bey xtunabej.
12Ri winaqi' ri janila e itzel kan man jun k'a q'axo'n nikiq'axaj,
y kan janila k'a chi beyomel nikil.
13Jari' k'a toq xinbij-qa chi xa man jun nik'atzin-wi chi ch'ajch'oj ri wánima,
ni ri nuchajin-wi' richin man ninben ta ri etzelal.
14Roma xa kan jantape' ninwil q'axo'n,
kan ronojel k'a q'ij nink'ul ruk'ayewal.
15Xa ta yin ninbij-qa, más utz kich'on na achi'el yech'on rije',
y wi ta keri', xa xenq'ol ta ri kikuquban kik'u'x rik'in ri Dios.
16Toq xinch'ob richin keri' ninben,
kan janila k'ayew xinna'.
17K'a ja toq xinok chupan ri rachoch ri Dios,
k'a chiri' k'a xq'ax chinuwech ri akuchi ye'apon-wi rije'.
18Kan qitzij na wi chi rat Jehová kan e aya'on k'a re itzel taq winaqi' re' chuwa-liq'.
Xa xtaben k'a chike chi xkebetzaq y xkek'is chiri'.
19Pa jun ramaj k'a xkewuluwu',
y roma ri kixibinri'il xke'apon pa kamik.
20Ri itzel taq winaqi' e achi'el jun achik' ri nimestex toq niseqer-pe;
keri' xtaben chike rat ajaw, toq xkayakatej,
rat xa xke'awixowaj roma ri kibanobal.
21Toq yin kere' xinch'ob, kan janila k'a xik'oje' pa k'ayew,
y ri wánima kan janila k'a xq'axon.
22Kan janila k'a in nakanik, roma kan man niq'ax ta k'a chinuwech;
y kan in achi'el k'a jun chikop chawech rat.
23Man rik'in ri', yin kan jantape' k'a nukuquban-pe nuk'u'x awik'in rat,
y kan in ayuqen k'a.
24Kan in atijon k'a rik'in ri apixabanik.
Xeri' kan xkinak'ul chupan ri aruwaq'ijaj.
25¿Achike ta chik k'a xtinrayij yin chire ri k'o chila' chikaj?
¡Kan xaxe k'a rat ri yatinwajo'!
¿Achike ta chik k'a xtinwajo' yin wawe' chuwech re ruwach'ulew?
¡Kan xaxe k'a rat ri yatinwajo'!
26Ri nuch'akul y ri wánima xa nik'is-qa kuchuq'a',
jak'a rat Jehová naya' wuchuq'a' y jantape' k'a naya' ri nik'atzin chuwe.
27Ri at kimalin kan xa kan xkeken k'a;
rat xtaben chi xkek'is-el konojel ri nikich'er kan ki' awik'in.
28Jak'a yin kan más k'a utz nuben chuwe chi yijel-apo awik'in rat nu-Dios.
Kan awik'in rat Jehová nukuquban nuk'u'x.
Y xtintzijoj ronojel ri abanon.
Currently Selected:
Sal 73: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
