Sal 72
72
Jun bix pa ruwi' ri rey*f69*
1Nimalej Dios, tak'utu' ri apixa' chuwech ri rey.
Kan tabana' chire chi xtuben ri ruchojmilal ri nawajo' rat,
2richin rija' xtiq'aton-tzij pa ruwi' ri tinamit,
y richin xtuya' ruchojmilal pa kiwi' ri yetz'ilox.
3Y roma ri pa ruchojmilal niq'aton-tzij,
ri winaqi' nikil uxlanibel-k'u'x y ruchojmilal ri pa ruwi' taq juyu'.
4Xtuq'et k'a tzij pa kiwi' ri e k'ayewatajineq.
Xkerukol k'a kalk'ual ri man jun k'o kik'in.
Jak'a ri xetz'ilon kichin, rat xke'aya' pa ruk'ayewal.
5Ri rajawaren xtik'oje' jantape', junan rik'in ri ik' y ri q'ij,
xtik'oje' k'a, stape' xkeq'ax k'iy sol winaqi'.
6Ri ruq'atoj-tzij ri rey kan achi'el k'a ri job pa ruwi' ri q'ayis,
achi'el chuqa' ri raxq'ab ri niqaqa-pe pa ruwi' ri ruwach'ulew.
7Chupan ri q'ij toq xtiq'aton-tzij rija', kan xtikotz'ijan k'a ri ruchojmilal.
Kan xtik'oje' k'a janila uxlanibel-k'u'x.
Kan keri' k'a xtuben tibe-q'ij tibe-seq.
8Ri rajawaren xtitikir k'a el chuchi' ri palou y napon k'a ri juk'an chik ruchi',
xtitiker-el chuchi' ri raqen-ya' Éufrates y xtapon k'a chuchi' chijun ri ruwach'ulew.
9Chuwech rija' xkexuke-wi ri e etzelanel richin ri ek'o pa tz'iran ruwach'ulew,
rije' kan xkech'akatej k'a roma rija'.
10Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire;
keri' chuqa' ri e rey richin ri ruwach'ulew Sabá y ri e richin Sebá.
11Konojel k'a ri rey richin chijun ruwach'ulew xkexuke' chuwech rija',
y konojel tzobaj winaqi' richin re ruwach'ulew xtikisamajij rija'.
12Rija' xtikolon kichin ri k'o nik'atzin chike, toq rije' xtikik'utuj to'onik,
xkeruto' chuqa' ri e k'ayewatajineq y man jun nito'on kichin.
13Kan xtujoyowaj k'a kiwech ri man jun ok k'o kik'in, y ri k'o nik'atzin chike,
y kan xtukol kik'aslen re winaqi' re'.
14Xtukol k'a ri kik'aslen pa kiq'a' ri q'olonela' y ri kamisanela',
roma ri kikik'el rije', kan janila k'a nupoqonaj rija'.
15¡Tik'ase' k'a ri rey y tiya'ox chire ronojel ri q'anapueq ri nipe pa Sabá!
Jantape' k'a tiban ch'owen pa ruwi' rija';
beneq k'a ruwech tinimirisex ri ruq'ij.
16Kan pa ruk'iyal k'a ri ixin ri xtiwachin chiri';
kan ta k'a k'iy ri tiko'n xtiwachin pa ruwi' ri juyu'.
Kan ta achi'el kibanon ri che' chuwech ri Líbano,
y kan ta achi'el nik'iy-pe ri q'ayis, xtik'iy-pe ri trigo.
17Ri rubi' ri rey xtik'oje' jantape';
ri utzilej rutzijol kan man xtik'is ta, achi'el ri q'ij man nik'is ta.
Konojel tzobaj winaqi' richin re ruwach'ulew xtikik'ul urtisanik pa ruq'a' rija',
konojel xtikibij chi rija' kan jebel ruwa-ruq'ij.
18¡Kan nim k'a ruq'ij ri Jehová Dios, ri Dios richin Israel!
Kan xaxe rija' ri nibanon ri meyel taq banobel.
19¡Kan tinimirisex k'a ri nimalej rubi' jantape'!
Kan chijun ta ri ruwach'ulew xtinoj rik'in ri ruk'ojlemal,
¡Kan keri' ta k'a xtibanatej, ja' kan keri'!
20Wawe' nitane-wi chire ri ruch'owen rik'in ri Dios, ri David ri ruk'ajol kan ri Isaí.
Currently Selected:
Sal 72: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
