Sal 70
70
Sujunik rik'in ri Dios, koma ri e etzelanel*f68*
1Nimalej Dios, katanpe richin yinakol.
Tabana' utzil kinato' chi'anin.
2Tabana' chi xkek'ixbitej y xtisach ta kik'u'x ri nikajo' nikelesaj ri nuk'aslen.
Chuqa' ri yerayin chi niqaqa ta itzel chuwij, tabana' chi xtikitzolij ta ki' chikij y xkek'ixbitej ta.
3Ri kan janila yetze'en y yesik'in chuwij,
tabana' k'a chike chi xke'animej ta rik'in k'ix.
4Jak'a kan kekikot y kenimaq'ijun ri yekanon awichin.
Y konojel ri yekikot rik'in ri akolotajik rat, kan jantape' tikinimirisaj ri abi'.
5Jak'a yin, k'a ink'o na pa q'axo'n y kan k'a k'o nik'atzin chuwe;
Nu-Dios yin, chi'anin katanpe y kinato'.
Ja rat ri at nuto'onel y nukolonel,
nu-Dios yin, tabana' utzil kinato' chi'anin.
Currently Selected:
Sal 70: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
