Sal 67
67
Bix richin matioxinik chire ri Dios*f65*
1Ri Dios kan ta xtujoyowaj qawech y xqojrurtisaj.
Kan ta k'a xtuya' ri rutzil pa qawi', rik'in ajowabel.
2Keri', konojel ta ri winaqi' xtiketamaj ri rubey,
ri winaqi' ri man nikitzeqelibej ta, kan xkekolotej ta.
3Nimalej Dios, kan tikiya' k'a aq'ij konojel winaqi',
kan konojel k'a tinamit tikinimirisaj ri abi'.
4Kan kekikot y kenimaq'ijun k'a konojel,
roma rat kan naq'et-tzij pa ruchojmilal.
Kan ja rat k'a yayuqen kichin konojel ri winaqi' richin re ruwach'ulew.
5Kan tikiya' k'a aq'ij konojel winaqi',
kan konojel k'a tinamit tikinimirisaj ri abi'.
6Re ruwach'ulew kan xtiwachin k'a;
roma rat xqojawurtisaj, rat ri at qa-Dios.
7Nimalej Dios kan qojawurtisaj k'a,
konojel k'a winaqi' richin chijun ruwach'ulew tikiya' aq'ij.
Currently Selected:
Sal 67: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
