Sal 65
65
Ri rutzil ri Dios pa ruwi' re ruwach'ulew*f63*
1Nimalej Dios, kan awichin k'a rat ronojel bix ri yebixex chupan ri tinamit Sión.
Kan ruk'amon k'a chi nitoj ronojel ri sujun chawe.
2Kan awik'in k'a rat xkepe-wi konojel ri winaqi',
roma rat kan nawak'axaj ronojel ri ch'owen ri yeban awik'in.
3Ri itzel taq qabanobal kan yojruch'ek,
jak'a rat kan nakuy ronojel ri yakatajinenri'il ri yeqaben.
4Kan jebel k'a ruwa-qaq'ij roj ri xojacha' rat richin yojk'oje' awik'in,
richin chi yojk'oje' chuwa-jay chire ri awachoch.
Kan xqojch'uch'u' k'a rik'in ri utzil ri k'o chupan ri awachoch.
5Kan nak'uluba' k'a pe ri qach'abel rik'in meyel taq banobel y pa ruchojmilal,
ja rat nimalej Dios ri at qakolotajik,
awik'in k'a rat kikuquban-wi kik'u'x konojel ri winaqi' richin chijun ri ruwach'ulew,
konojel ri ek'o chuchi' taq palou ri k'a janila nej ek'o-wi.
6Rik'in ri nimalej awuchuq'a', rat xe'ajikiba' ri nimalej taq juyu'.
Kan at nojineq k'a rik'in uchuq'a'.
7Rat kan naben k'a chi toq nijinin-pe ri palou, kan nitane-qa,
Kan napaba' k'a ri ya' ri nibolqo't pa ruwi' ri palou,
chuqa' kan natanaba' ri kich'abel ri winaqi' ri yeyakatej chawij rat.
8Roma ri' konojel winaqi' richin ri ruwach'ulew nikik'en rukiy ri meyel taq abanobal.
Kan ja rat yabanon chi k'o kikoten, toq nel-pe ri q'ij nimaq'a' yan y toq niqaqa ri q'ij.
9Kan no'atz'eta' k'a qa re ruwach'ulew y kan naya'aj;
kan janila k'a nim beyomel naya' pa ruwi'.
Rik'in ri ya' ri k'o awik'in, rat naben k'a chi nik'iy-pe ri tiko'n.
Kan niwachin k'a roma kan keri' ri arayibel rat.
10Kan naben k'a chi ri boloj kan yemu'e-qa,
y ri ya' yebiyin k'a chukojol.
Rik'in ri job kan buyul-buyul k'a nuben ri ulew,
y yojawurtisaj k'a rik'in ri qatiko'n.
11Toq napon ri jun juna', rat naben chi ri tiko'n niwachin pa ruk'iyal,
y naben chi ri sutz', chuqa' nuk'en-pe beyomel pa ruk'iyal.
12Re' kan nuben chi ri q'ayis ri ek'o pa taq juyu' rex-rex nitzu'un,
y ronojel ri ruwa taq juyu' kan yek'ases.
13Kan ninoj k'a ri ruwa-taq'aj chi awej ri nikitej kiq'os
chijun k'a ri qasanbel-ulew kan nojineq k'a rik'in jalajoj ruwech ixin.
Roma ri' konojel xkebixan rik'in janila kikoten.
Currently Selected:
Sal 65: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
