Sal 63
63
Ja ri Dios ri nikuquban ruk'u'x ri wineq*f61*
1¡Nimalej Dios, ja rat ri at nu-Dios!
Yin kan jantape' k'a yatinkanoj;
ri wánima kan nichaqchi'in chawij.
Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.
2Richin nintz'et ri awuchuq'a' y ri ak'ojlemal.
achi'el toq xatintz'et chupan ri awachoch.
3Roma kan más jebel ri ajoyowanik rat ke chuwech ri k'aslen,
kan xtinbixaj k'a ri abi' jantape'.
4Kan chijun k'a ri nuk'aslen xtinya' aq'ij,
kan xtinyek k'a ri nuq'a' richin yitzijon awik'in.
5Xaben k'a chi xch'uch'u' ri wánima achi'el xa ta jebel in wayneq.
Kan rik'in k'a kikoten xtinbixaj bix chawe richin ninya' aq'ij.
6Ri chi'aq'a' toq ink'o chik pa nuwarabel kan yich'obon k'a awik'in rat.
Ri pa taq nik'aj-aq'a', kan ninquqa' k'a rij ri at achike rat.
7Roma kan ja rat yato'on wichin,
roma ri' kan xkik'oje' rik'in kikoten chuxe' ri aq'a' rat.
8Chijun ri nuk'aslen xa jun rubanon awik'in rat;
kan in ayuqen k'a rik'in ri awijkiq'a'.
9-10Jak'a ri ye'ajowan nikelesaj ri nuk'aslen xa xkekamisex;
xkekamisex chi espada,
y ri kich'akul kan xtok kiway ri chikopi' ri ek'o pa k'echelaj.
11Ri rey kan xtikikot awik'in rat Jehová.
Ri wineq ri nujikiba' rutzij pan abi' kan xtuk'ul k'a ruwaq'ijaj.
Jak'a ri e tz'ukuy taq tzij xa xtitz'apex ri kichi'.
Currently Selected:
Sal 63: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
