Sal 57
57
Kuqubabel-k'u'x chupan ri ruk'ayewal*f55*
1Tabana' utzil tajoyowaj nuwech nu-Dios yin, taya' ri awutzil pa nuwi';
roma awik'in rat nukuquban-wi nuk'u'x
y kan awik'in k'a rat ninto-wi-wi', k'a toq xtiq'ax na ri ruk'ayewal.
2Xkich'on k'a awik'in rat nimalej Dios,
ja rat ri yabanon utzil chuwe richin jantape'.
3Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin.
Rat kan nateq k'a pe ri ajoyowanik pa nuwi' y kan naben wik'in ri nabij.
4Yin achi'el xa ta chikikojol koj ink'o-wi,
Ink'o chikikojol winaqi' ri nikajo' yinkik'is.
Ri key kan achi'el ri kum y kokoj taq ch'ab,
y ri kaq' kan achi'el k'a jun espada ri ya-ya' rey.
5¡Nu-Dios yin, kan tinimirisex k'a aq'ij pa ruwi' ri kaj.
kan chuwech k'a chijun ri ruwach'ulew, tiq'alajin ri ak'ojlemal!
6Ri e etzelanel wichin kan kiya'on k'a pikbel pa nubey;
ri wánima kan janila k'a niq'axon;
rije' kan kik'oton k'a jul richin yitzaq,
y chupan k'a ri jul ri' xa ja rije' ri xetzaq.
7Jare' k'a k'o ri wánima chawech, rat nu-Dios,
kan nujachon k'a wi' pan aq'a'.
Kan xtinbixaj k'a ri abi' y kan xtinya' aq'ij.
8¡Wánima yin, kan kayakatej k'a!
¡kixyakatej rix jalajoj ruwech q'ojom!
¡yin kan xtinya' k'a ruq'ij ri Dios nimaq'a' yan!
9Nimalej ajaw, kan xtinya' k'a aq'ij chikikojol ri ruwach'ulew.
Xtinbixaj ri abi' chikikojol ri winaqi'.
10Ri ajoyowanik rat, kan janila nim ri kan niberuq'i' ri kaj,
kan napon k'a rik'in ri sutz' ri asujun chiqe.
11¡Nu-Dios yin, kan tinimirisex k'a aq'ij pa ruwi' ri kaj.
kan chuwech k'a chijun ri ruwach'ulew, tiq'alajin ri ak'ojlemal!
Currently Selected:
Sal 57: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
