Sal 56
56
Bix richin kuqubabel-k'u'x*f54*
1Nu-Dios, tabana' utzil tajoyowaj nuwech,
roma kan ek'o winaqi' ri e tzeqelibeyon wichin.
Kan chaq jantape' k'a in kitzeqeliben y yinkiya' pa k'ayew.
2Kan chijun k'a q'ij ri e etzelanel wichin nikiqasaj nuq'ij.
Janila k'a e k'iy ri yebanon oyowal wik'in, rik'in nimirisanen.
3Ri q'ij toq ri xibinri'il noqaqa pa nuwi',
ninkuquba' nuk'u'x awik'in.
4Nu-Dios yin, kan nukuquban nuk'u'x rik'in ri ach'abel.
¡Roma ri' kan man xtinxibij ta wi' chire ri achike xtikiben chuwe ri winaqi'!
5Jantape' k'a yinkisokola' rik'in ch'abel;
ri kich'obonik chuwij, xaxe k'a richin yinkiya' pa k'ayew.
6Nikimol k'a ki' pan ewel;
kitzuliben ri akuchi yiq'ax-wi yin, richin nikelesaj ri nuk'aslen.
7Nu-Dios yin, tabana' utzil taya' rutojbalil-mak chike.
Taqasaj k'a ruq'ij ri kitinamit rik'in ri awoyowal.
8Rat awetaman janipe' mul in animajineq chuwech ri oyowal;
re' kan atz'iban k'a chupan ri awuj.
Ri ruya'al runaq'-nuwech kan ayakon k'a chupan jun jebelej k'ojelibel.
9Ri e etzelanel wichin kan xketzolin k'a chikij, toq yin xkich'on awik'in.
Jak'a yin kan wetaman, chi rat nu-Dios kan atk'o wik'in.
10Nu-Dios yin, kan nukuquban nuk'u'x rik'in ri ach'abel,
Nukuquban nuk'u'x rik'in ri abin chuwe.
11Yin kan nukuquban nuk'u'x awik'in rat,
¡Roma ri' kan man xtinxibij ta wi' chire ri achike xtikiben chuwe ri winaqi'!
12Roma ri' xtintaqej k'a ri nusujun chawe nu-Dios yin.
Kan xtinya' k'a sipanik richin matioxinik chawe.
13Roma xinakol chuwech ri kamik y xinajech'ej chuwech ri pikbel,
richin chi yibiyin chuwa saqil chawech rat.
Currently Selected:
Sal 56: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
