Sal 49
49
Ri beyomel man ja ta ri' ri niya'on k'aslen*f47*
1Tiwak'axaj k'a chi'iwonojel rix tinamit,
kan tiya' ixikin chi'iwonojel rix winaqi', richin chijun ruwach'ulew;
2keri' ri k'o kiq'ij y ri maneq ok kiq'ij,
ri janila kibeyomel, y ri man jun ok k'o kik'in.
3Kan xkibech'on k'a rik'in na'oj.
Kan xtinbenq'alajirisaj k'a ri nojibel ri nel-pe pa wánima.
4Kan xtintej nuq'ij ninkusaj ch'abel ri niq'ax chikiwech konojel.
Xtinbixaj k'a re etamabel tzij re', rokik ninq'ojomaj ri arpa.
5Yin man xtinxibij ta wi' toq xtipe ri q'ij richin ruk'ayewal,
toq ri e banoy taq etzelal xtikisutij chik wij.
6Ri kikuquban kik'u'x rik'in ri kibeyomel,
y ri kan nikinimirisaj-ki' rik'in ronojel ri k'o kik'in,
7man jun chike rije' ri nitikir ta nukol ri rach'alal,
ni man nitikir ta nutoj chire ri Dios ri rukolotajik.
8Roma ri rajel ri ruk'aslen kan janila k'a nim.
Kan man jun bey k'a xtitojtej,
9richin chi nik'ase' ta richin q'asen,
y man jun bey napon ri ruch'akul chupan ri muqbel kamineq.
10Kan xtiq'alajin jebel chi konojel winaqi' yeken,
keri' ri wineq aj-na'oj y man aj na'oj ta.
Y ri beyomel ri k'o kik'in, xa xtik'oje' kan chike ch'aqa' chik.
11Stape' xkiya' ri kibi' rije' chire ri kulew
y ri kachoch kichin ri kijatzul,
kan jak'a ri muqbel kamineq, jari' ri kachoch richin q'asen.
Chiri' k'a xkek'oje-wi jantape'.
12Ri wineq man richin ta q'asen ri ruk'aslen, stape' janila beyom.
Xa kan junan k'a kik'in ri chikopi' ri yeken-el.
13Keri' xkek'is ri winaqi' ri xa kikuquban kik'u'x kik'in-qa rije'.
Chuqa' keri' xkek'is ri winaqi' ri kikuquban kik'u'x rik'in ri kibeyomel.
14Rije' kan xtiban k'a chike achi'el ri karne'l ri ye'uk'uex-el pa kamik,
ja ri kamik ri xtiyuqen kichin achi'el nuben jun yuq'unel,
y ri choj kik'aslen kan xkebek'oje' pa kiwi' rije'.
Ri jebelej kibanik kan eqal k'a nibek'is chupan ri jul muqbel kamineq.
15Jak'a ri nuk'aslen yin kan xtukol ri Dios chuwech ri jul ri',
roma rija' xkiruk'uaj-el k'a akuchi k'o-wi.
16Man itzel tana' toq jun nibeyomer-q'anej,
toq ri rachoch kan jebel nitzu'un roma ri rubeyomel,
17roma re beyom re', toq xtiken-el, kan man jun k'a xtuk'uaj.
Ri janila chi beyomel ri k'o rik'in man xtuk'uaj ta el chupan ri jul.
18Stape' toq k'a k'es na, kan janila nuya-qa ruq'ij,
y kan janila chuqa' niya'ox ruq'ij koma ri winaqi',
19stape' keri', rija' xtiken y xtapon kik'in ri sol winaqi' kichin ri rute-rutata'.
Xa man jun bey chik k'a xtutz'et ri saqil.
20Ri wineq beyom, niya'ox ruq'ij y xa man nuya' ta rejqalen ri Dios,
xa kan junan k'a kik'in ri chikopi' ri yeken-el.
Currently Selected:
Sal 49: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
