Sal 48
48
Ruwaq'ijaj richin ri Sión rutinamit ri Dios*f46*
1Nimalej ruq'ij ri Jehová y kan ruk'amon richin niya'ox ruq'ij jantape',
chupan ri rutinamit ri k'o pa ruwi' ri juyu'.
2Ri juyu' Sión kan k'a pa jotol k'o-wi-el y jebel ok rubanon ri chiri' pa xaman.
Ja rija' ri rukikoten ri ruwach'ulew,
re tinamit re' kan richin ri nimalej rey,
3Ri Dios kan k'o k'a chupan ri rachoch,
kan xuk'ut k'ari' chi kan ja rija' ri qato'onel.
4Ri q'atoy taq tzij richin ri ch'aqa' chik ruwach'ulew kan xkimol k'a ki'.
Xa jun k'a xkiben richin xeyakatej chirij ri juyu' Sión.
5Toq rije' xkitz'et ri tinamit ri', kan xkimey k'a.
Kan xsach k'a kik'u'x y xe'animej rik'in xibinri'il.
6Xkik'en k'a jun nimalej xibinri'il y kan xebaybot.
Xkikototila-ki' roma q'axo'n achi'el nuben jun ixoq toq nik'oje' yan ti ral.
7Jehová, rat naben chi rik'in ri kaq'iq' ri nipe pa relebel-q'ij,
ye'apaxij ri barco richin ri tinamit Tarsis,
8Kan achi'el k'a ri qak'axan-pe,
kan keri' ri xqatz'et;
keri' xqatz'et chupan ri rutinamit ri Jehová k'iytisanel richin ronojel.
Chupan ri rutinamit ri qa-Dios,
rija' kan xtujikiba' k'a richin jantape' ri tinamit Jerusalem.
9Nimalej Dios, toq ojk'o chupan ri awachoch,
kan noqaqa chiqak'u'x ri ajoyowanik ri man k'isel ta.
10Kan achi'el k'a ri utzilej atzijol,
keri' ri ruya'ik aq'ij chuwech chijun re ruwach'ulew.
Ri awijkiq'a' xaxe ri ruchojmilal ri nuben.
11Kan yekikot k'a ri winaqi' aj-Sión;
kan yetzopiyaj k'a roma kikoten ri kokoj taq rutinamit,
roma ri ruchojmilal ri naben.
12Kixbiyin y tisutij-rij ri tinamit Sión.
Tiwajlaj janipe' jay kichin ri chajinela' k'o pa ruwi' ri tz'aq.
13Titz'eta' jebel ri rubanik ri rutz'aq.
Chuqa' titz'eta' jebel ri jay richin q'atbel-tzij.
Richin chi xtitzijoj chik chike ri iwijatzul
14roma kan ja Dios re' ri qa-Dios roj, tibe-q'ij tibe-seq.
Ja rija' ri niyuqen qichin richin jantape'.
Currently Selected:
Sal 48: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
