Sal 38
38
Ch'owen richin jun aj-mak*f37*
1Jehová, tabana' utzil man yinach'olij toq k'o awoyowal.
Man taya' ruk'ayewal pa nuwi' rik'in awoyowal,
2roma ri ruk'ayewal ri' kan e achi'el ch'ab ri ye'ak'eq-pe chuwij.
Kan chuwij k'a yin xqaqa-wi.
3Y chuqa' roma ri', kan niq'axon k'a ri nuch'akul,
y kan mulan k'a roma ri numak.
4Y roma ri ralal kan yijiq' yan.
Kan achi'el k'a jun ejqa'n rubanon chuwij, ri kan man yitikir ta nink'uaj.
5Roma ri nuch'ujerik, ri ch'a'k chuwij kan nipujan y kan chuw chik.
6Kan chijun k'a q'ij yibison,
y man yitikir ta ninyek-q'anej ri nujolon roma ri nuq'axo'n.
7Kan chijun k'a ri ruche'el-wij nirepo.
Y kan maneq chik k'a ti juba' chire ri nuch'akul ri man ta yawa'.
8Kan xk'is yan k'a ri wuchuq'a', y ri yabil kan yiruke'ej nina' yin.
Kan yijilo k'a roma ri rukiy ri q'axo'n.
9Rat kan awetaman k'a ri nurayibel yin.
Ri rurayibel ri wánima kan man ewatel ta chawech.
10Ri wánima kan janila k'a nitino y ri wuchuq'a' kan maneq chik,
y chuqa' kan man yitzu'un ta chik.
11Ri wachpochel y ri wachibil kan in kiyonoban kan roma ri ch'a'k ri k'o chuwij.
Chuqa' ri wach'alal kan nej xek'oje-wi chuwe yin.
12Ri ye'ajowan nikelesaj nuk'aslen, kan nikiyala' k'a pikbel pa nubey.
Ri ye'ajowan chi yin yik'oje' pa k'ayew kan itzel k'a yech'on chuwij.
Kan chijun q'ij k'a nikich'obola' ri achike ta nikiben richin yinkitzeq.
13Yin kan ninben chi man yinak'ex ta chik, kan achi'el in tokon ninben.
Kan in achi'el mem ninben y man ninjeq ta ri nuchi'.
14Kan xinben k'a achi'el jun tokon,
y achi'el jun mem ri kan man nitikir ta nuto-ri'.
15Roma ri' yin kan woyoben chi rat Jehová yato'on wichin.
Rat xkach'on pa nuwi' yin, Jehová nu-Dios.
16Roma ri' nink'utuj chawe chi man taya' q'ij chi rije' yekikot chuwij,
y toq yin yijilijo', man taya' q'ij chi rije' xtikinimirisaj-ki'.
17Wakami yin xa kan yitzaq yan k'a.
Ri rukiy ri nuq'axo'n kan jantape' k'o.
18Roma ri' kan nintzijoj chawe ri numak,
xkibison k'a roma ri man utz ta xinben chawech.
19Ri e etzelanel wichin kan e janila e k'iy,
y kan janila k'a kuchuq'a'.
Kan janila k'a e k'iy ri ye'etzelan wichin,
y xa man jun nubanon chike.
20Yin xinben ri utz kik'in,
jak'a rije' pa ruk'exel ri', xinkiya' pa k'ayew.
Roma ninwajo' ninben ri utz, kan itzel yinkitz'et.
21Tabana' utzil, Jehová, man yinamalij kan.
Nu-Dios yin, man yinaya' kan nuyon.
22Chi'anin katanpe richin yinato', nukolonel yin.
Currently Selected:
Sal 38: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
