Sal 39
39
Ri k'aslen xa ti juba-ok*f38*
1Yin kan nubin k'a chi xtinchajij ri nubanobal, y man xkimakun ta rik'in ri waq'.
Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.
2Yin kan man jun k'a xinbij, kan man xiq'ajan ta;
stape' k'o ri utz ta chi xinbij, kan man xinbij ta.
Man rik'in ri' ri nuq'axo'n kan más k'a xnimer.
3Ri wánima kan niq'aq'an k'a roma ri nuq'axo'n.
Chupan ri nuch'obonik, kan achi'el xtzijtej q'aq' y roma ri' xich'on rik'in ri Dios.
4Xinbij k'a: Jehová, tak'utu' chinuwech janipe' nawelesaj ri nuk'aslen.
Tak'utu' chinuwech janipe' juna' in k'es,
richin xtinwetamaj janipe' chik ok q'ij in k'es.
5Rat kan abanon k'a chuwe chi xa ti juba' ok ri nuk'aslen.
Ronojel ri nujuna' xa kan man jun ok chawech rat.
Ri nuk'aslen xa kan chi'anin niq'ax, y man jun retal nik'oje' kan, achi'el nuben ri kaq'iq'.
6Kan qitzij na wi chi ri nuk'aslen xa kan chi'anin niq'ax achi'el jun mach'ach'il.
Ri nukosik xa kan man jun rejqalen.
Xinmol janila chi beyomel, jak'a man wetaman ta ri achike xtichinan kan.
7Wakami k'a wajaw ¿Achike ta chik k'a xtinwoyobej?
Yin kan awik'in k'a rat nukuquban-wi nuk'u'x.
8Takuyu' ri numak,
richin chi ri e etzelanel wichin man yetikir ta yetze'en chuwij.
9Man nujaqon ta ri nuchi', man jun ch'abel ri nubin,
roma rat keri' xaben chuwe.
10Jak'a re wakami tawelesaj pa nuwi' re ruk'ayewal re',
roma xa kan yik'is yan qa roma re awoyowal re aya'on-pe pa nuwi'.
11Kan rik'in rutojbalil-mak nachojmirisaj ri ruk'aslen ri wineq,
Ri rubeyomel kan nak'is, achi'el ri taq chikopi' ri nikichikopirisaj ri jel;
Kan qitzij wi chi ri wineq xa q'axel, achi'el niq'ax ri kaq'iq'.
12Jehová, tabana' utzil tawak'axaj ri nuch'abel, tawak'axaj ri nuch'owen richin to'onik.
Man kak'oje-qa chaq keri' chire ri woq'ej.
Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.
13Tabana' utzil kinaya' kan nuyon,
richin nikikot juba' ri wánima, rokik man jani yiken.
Currently Selected:
Sal 39: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
