Sal 32
32
Ri ruq'alajirisaxik ri mak y ri kuyubel-mak*f32*
1Jebel ruwa-ruq'ij ri wineq toq ri Dios nuk'uaj-el nej ri ruyakatajinenri'il,
y nikuyutej ronojel ri rumak.
2Jebel ruwa-ruq'ij ri xtibix chire roma ri Jehová chi man jun mak xtrejqalej,
roma kan man jun rewan chuwech ri Dios.
3Rokik man nuq'alajirisan ta ri numak, kan yimayamo' yan qa ninna' yin.
Kan chi jun q'ij k'a yijilo roma q'axo'n.
4Kan chi paq'ij chi chaq'a' xinna' ralal ri aq'a' rat Jehová.
Kan xichaqi'j-qa jumul ninna' yin,
achi'el jun kotz'i'j toq nichaqi'j-qa roma ri k'aten richin saq'ij.
5Jari' toq xinq'alajirisaj k'a ri numak chawech,
y kan man xinwewaj ta ri wetzelal.
Yin xinch'ob chi ninq'alajirisaj ri numak chawech.
Jari' toq rat Jehová xakuy k'a ri numak y xawelesaj chuwij ri xinwejqalej.
6Roma ri', ri kan e awichin, xkech'on awik'in toq ek'o pa tijoj-poqonal.
Wi keri' xtikiben, ri tijoj-poqonal man xtapon ta kik'in,
achi'el jun raqen-ya' ri ninimer-pe y nel-pe pa ruk'ojelibal.
7Ja rat ri at nutobal.
Kan xkinato' k'a chuwech ri bis.
Kan xtaben k'a chuwe richin xkibixan roma kikoten.
8Ri Jehová nubij: Yin kan atintzuliben k'a.
Xtink'ut k'a chawech ri bey ri k'o chi nak'uaj.
Y xtinben k'a chawe richin xtiq'ax chawech.
9Jak'a man taben achi'el ri kiej y ri kowilej-kiej,
ri kan man jun niq'ax chikiwech.
Re chikopi' re' k'o chi niya'ox ch'ich' pa kichi' richin yeq'at.
Y wi man niban ta keri' chike, kan man xkejel ta kik'in ri winaqi'.
10Ri e banoy etzelal kan janila q'axo'n k'o kik'in,
jak'a ri kikuquban kik'u'x rik'in ri Jehová e nojineq rik'in ri rujoyowanik rija'.
11Kan kenimaq'ijun y kekikot rik'in ri Jehová, ri kikuquban kik'u'x rik'in.
Kebixan rik'in kikoten konojel ri choj kibanobal chuwech ri Dios.
Currently Selected:
Sal 32: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
