Sal 28
28
Ri Jehová kan nrak'axaj ri qach'owen*f27*
1Ja ri abi' rat ninnataj Jehová, nuto'onel yin.
Man k'a tapoqonaj nak'uluba-pe ri nuch'abel.
Roma wi keri' xa kan in ajlan chik k'a chikikojol ri kaminaqi'.
2Tabana' utzil kinawak'axaj toq yin yich'on awik'in chupan ri awachoch,
toq ninyek ri nuq'a' richin nink'utuj to'onik chawe.
3Man kinak'uaj junan kik'in ri aj-maki';
ri kan jebel k'a yech'on chire jun wineq y ri pa kánima kan k'o ri etzelal.
4Taya' k'a chike rije' achi'el ri kisamaj,
achi'el ri itzel taq banobel ri xekiben.
Taya' chike ri ruk'amon roma ri ketzelal.
5Roma rije' kan man xkinimaj ta k'a ri atzij rat Jehová,
roma ri' rat kan ke'ak'isa' k'a.
Roma kan man nikinimaj ta k'a ronojel ri xaben rat,
man taya' q'ij chi xkeyakatej chik q'anej.
6Nimalej aq'ij rat Jehová,
roma kan xawak'axaj ri nuch'owen.
7Rat Jehová yinato' y naya' wuchuq'a'.
Yin ninkuquba' nuk'u'x awik'in, y roma ri' rat yinato'.
Kan janila nikikot ri wánima,
y roma ri' yibixan richin ninmatioxij chawe.
8Ja rat ri at uchuq'a' richin ri atinamit Israel.
Chuqa' kan nakol ri rey ri acha'on rat.
9Jehová, takolo' y tawurtisaj ri atinamit.
Tayuq'uj y taq'axaj k'a richin jantape'.
Currently Selected:
Sal 28: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
