Sal 27
27
Ja ri Jehová ri nusaqil y nukolotajik*f26*
1Ja ri Jehová ri saqil y kolotajik chire ri nuk'aslen.
¿Achoq chuwech ta k'a xtinxibij-wi'?
Ja ri Jehová nichajin ri nuk'aslen.
¿Achike ta k'a roma xkik'ark'ot-qa?
2Toq xkimol-ki' chuwij ri e etzelanel wichin richin nikajo' yinkich'ek y yinkikamisaj,
jari' toq xkipajk'ij kaqen y xetzaq.
3Stape' jun tzobaj aj-labal xtikisutij-wij richin yinkich'ek,
yin man xtinxibij ta wi'.
Stape' pa nuwi' yin xtikichop-q'anej oyowal,
yin kan kuqul k'a nuk'u'x.
4Yin kan k'o k'a jun ri nuk'utun chire ri Jehová; y kan jari' ri xtinkanoj;
chi yin kan xkik'oje' ta chupan ri rachoch ronojel q'ij chire ri nuk'aslen,
richin chi ninmey ri ruk'ojlemal y yich'on rik'in chupan ri rachoch.
5Toq yin xkik'oje' pa ruk'ayewal, rija' kan xkirewaj chupan ri rachoch.
Kan xkirukuch jebel pan ewel chiri' y xkiruchajij,
xtuben chuwe chi achi'el xa ta ink'o pa ruwi' jun nimalej abej y man jun nitikir niq'i'on wichin.
6Keri', kan xkitikir xkench'ek ri e etzelanel wichin.
Kan xtinsuj k'a sipanik chire rik'in raqoj-chi'ij y kikoten.
Xkibixan y kan ja ri rubi' ri Jehová ri xtinbixaj.
7Jehová, tabana' utzil kinawak'axaj roma kan yatinwoyoj.
Tajoyowaj nuwech y tak'uluba-pe ri nuch'abel.
8Ri wánima nubij chuwe chi rat abin kan chi niqaya' aq'ij.
Roma ri' yin kan xtinkanoj k'a ri ak'ojlemal rat Jehová.
9Jehová man tawewaj-awi' chinuwech.
Man taya' ri awoyowal pa nuwi' yin ri in asamajel,
roma kan ja rat k'a ri at nuto'onel yin.
Man kinaya' kan, ni man kinawisq'opej kan, nu-Dios y nukolonel yin.
10Stape' ri nte-nata' yinkimalij kan,
ja rat Jehová ri xkachajin wichin.
11Jehová, tak'utu' chinuwech ri abey.
Kinayuqej chupan ri bey richin ruchojmilal,
roma kan ek'o-wi ri e etzelanel wichin.
12Tabana' utzil man taya' q'ij richin nikiben ri kirayibel rije'.
Roma kan kitz'ukun-tzij chuwij,
y kan xaxe k'a ri etzelal ri nikajo' nikiben chuwe.
13Jak'a kan q'axineq chinuwech chi kan xtintz'et ri awutzil rat, rokik in k'es.
14Tawoyobej rik'in ri Jehová.
Tatija' aq'ij y man tamalij ak'u'x;
kan tawoyobej k'a pa ruq'a' ri Jehová.
Currently Selected:
Sal 27: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
