Sal 26
26
Ri ch'owen richin jun wineq ri choj ruk'aslen*f25*
1Jehová tabana' utzil taq'alajirisaj chi yin man jun mak nubanon,
roma yin kan tz'aqet k'a ri nubanobal chawech.
nukuquban nuk'u'x awik'in y man rik'in ta ka'i' nuk'u'x.
2Jehová, kinatejtobej y tanik'oj ri wánima.
Tatz'eta' ri nuch'obonik y ronojel ri k'o pa wánima,
3roma yin kan jantape' ninnataj ri awajowabal,
y kan in biyineq k'a chupan ri ach'abel.
4Yin kan man jun bey k'a yenwachibilaj ta ri e tz'ukuy taq tzij.
Kan man jun bey k'a nijunamatej ta nuwech kik'in ri xa ka'i' kipalej.
5Yenwixowaj ri molojri'il kichin ri e banoy taq etzelal.
Y kan man jun bey k'a junan nuwech kik'in.
6Ninch'ej k'a ri nuq'a' richin niq'alajin chi maneq numak chawech.
K'ari' yisutin chirij ri porobel richin ninya' aq'ij,
7y kan yich'on k'a kow richin ninya' utzilej atzijol,
y yich'on pa ruwi' ri meyel taq abanobal.
8Kan ninwajo' ri awachoch ri akuchi atk'o-wi rat,
ri akuchi k'o-wi ri ak'ojlemal.
9Tabana' utzil man nawelesaj nuk'aslen junan kik'in ri aj-maki'.
Man naben chuwe chi junan nink'uluwachij kik'in ri e kamisanela',
10roma kik'in rije' k'o ch'obonik ri man utz ta,
y kan yepuaqix kan.
11Jak'a yin kan tz'aqet ri nuk'aslen yibiyin chawech.
Roma ri' kinakolo' y tajoyowaj nuwech.
12Yin kan in jikil chawech,
roma ri' kan xtinya' aq'ij chikiwech ri nuwinaq.
Currently Selected:
Sal 26: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
