Sal 25
25
Ri David nuk'utuj ruyuqexik chire ri Dios*f24*
1Jehová, chawe rat ninya-wi ri nuch'owen.
2Nu-Dios yin, kan nukuquban nuk'u'x awik'in.
Kan man jun bey ta k'a yik'ixbitej.
Kan man taya' q'ij chi ri e etzelanel wichin yekikot chuwij.
3Konojel k'a ri nikikuquba' kik'u'x awik'in, kan man jun bey xkek'ixbitej.
Jak'a ri yeyakatej chawij rat kan xke'ak'ixbisaj k'a.
4Jehová, tak'utu' k'a chinuwech ri bey awichin rat.
Kinayuqej k'a chupan ri bey ri nibe awik'in.
5Kinak'uaj y tak'utu' chinuwech ri qitzij,
roma kan ja rat ri at nu-Dios ri yakolon wichin.
Kan jantape' k'a nukuquban nuk'u'x awik'in.
6Jehová, tabana' utzil taya' chik k'a pe pa nuwi' ri awajowabal y ri awutzil ri man e k'isel ta,
7Man taya' ruk'exel chuwe roma ri numak ri xenbanala' toq k'a in ak'ual na.
Tabana' utzil man toqaqa chi'ak'u'x ri nuyakatajinenri'il.
Xa kan taya' k'a pa nuwi' ri awutzil y ri awajowabal rat nimalej Jehová, roma rat janila at utz.
8Rat Jehová kan janila at utz y at choj;
kan nak'ut chikiwech ri aj-maki' ri utzilej bey.
9Kan ye'ayuqej k'a ri kiqasan-ki' chawech;
kan nak'ut ri ruchojmilal chikiwech.
10Kan jantape' k'a naya' ri utzil y ri qitzij pa kiwi' ri nikitaqej ri apixa'.
11Jehová, roma ri awajowabal tabana' utzil takuyu' ri numak, ri kan janila nim.
12Ri nikixibij-ki' chawech kan xtiketamaj ri bey ri k'o chi nikik'uaj.
13Y rije' kan xkebe k'a pa jotol rik'in ronojel.
Y ri kijatzul xtikichinaj kan ri ruwach'ulew.
14Rat kan junan k'a awech kik'in ri nikinimaj atzij,
y kan najikiba' chik jun bey ri asujun.
15Yin kan jantape' at nutzuliben,
roma kan ja rat ri yakolon wichin chuwech ri ruk'ayewal.
16Jehová, kinatzu-pe y tajoyowaj nuwech,
roma xa kan nuyon ink'o, y kan ink'o pa q'axo'n.
17Ri bis ri k'o pa wánima xa kan más k'a xnimer-pe.
Roma ri' kinawelesaj k'a chupan re nuq'axomal re'.
18Tatzu' ri nuq'axo'n y re ruk'ayewal re ninq'axaj,
y takuyu' ronojel ri numak.
19Ri e etzelanel wichin kan janila k'a yek'iyer.
Kan nikajo' yinkikamisaj, roma kan janila in ketzelan.
20Tachapa' k'a ri wánima y kinakolo'.
Man ta k'a xkik'ixbitej,
roma yin kan nukuquban nuk'u'x awik'in.
21Tabana' utzil kinakolo', roma ri nubanobal kan utz, y kan choj chawech rat.
Roma yin kan nukuquban nuk'u'x awik'in.
22Nu-Dios yin, tabana' utzil takolo' ri atinamit chuwech ri bis.
Currently Selected:
Sal 25: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
