Sal 24
24
Ri nimalej rey*f22*
1Chijun ri ruwach'ulew y ronojel ri k'o chuwech kan e richin ri Jehová.
Chijun ri ruwach'ulew y konojel ri e k'es chuwech kan e richin-wi rija'.
2Pa ruwi' ri palou xuben-wi ri ruwach'ulew.
Xuya' kixe' ri ruwach'ulew chupan ri ya' ri nej e qajineq-wi.*f23*
3¿Achike ta k'a xtitikir xtijote' pa ruwi' ri juyu' richin ri Jehová?
¿Achike kami xtitikir xtapon ri k'a akuchi k'o-wi rija'?
4Xa kan xaxe k'a ri ch'ajch'oj kibanobal y ch'ajch'oj kánima,
ri man kikuquban ta kik'u'x rik'in ri wachibel, ni man jun q'olonik nikiben.
5Rije' xtikik'ul k'a urtisanik pa ruq'a' ri Jehová.
Toq xtiq'at-tzij pa kiwi', ri Dios ri xkolon kichin xtubij chi rije' kan e choj.
6Keri' k'a ri sol winaqi' ri yekanon richin rija',
ri xkejel-apo rik'in ri nimalej Dios richin ri Jacob.
7¡Wakami k'a tijaqa' ri okibel richin ri tinamit,
chuqa' ri okibel ri kan ek'o-pe ojer,
richin nok-apo ri rey ri k'o ronojel ruq'ij!
8¿Achike k'a ri' ri rey ri k'o ruq'ij?
Ja ri Jehová ri kan janila ruchuq'a' y kan man jun k'a xibinri'il rik'in.
Ja ri Jehová ri kan nich'akon chupan ri oyowal.
9¡Wakami k'a tijaqa' ri okibel richin ri tinamit,
chuqa' ri okibel ri kan ek'o-pe ojer,
richin nok-apo ri rey ri k'o ronojel ruq'ij!
10¿Y achike ri' ri rey ri k'o ruq'ij?
Ja ri Jehová ri k'o ronojel uchuq'a' pa ruq'a',
Ja rija' ri rey ri k'o ronojel ruq'ij.
Currently Selected:
Sal 24: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
