Sal 23
23
Jehová ri vajyuq'*f21*
1Ri Jehová kan yiruchajij achi'el jun yuq'unel.
Roma ri' kan man jun achike xtinwajo'.
2Chiri' akuchi k'o-wi ri rex taq q'os, chiri' yiruya-wi richin yinuxlan.
Chunaqaj k'a kokoj raqen taq ya', chiri' yiruyuq'uj-wi.
3Nuya' k'ak'a' wuchuq'a'.
Kan yiruyuqej k'a chupan jun utzilej bey, achi'el ri rusujun chuwe.
4Stape' k'o chi yiq'ax chupan jun bey ri janila q'equ'm, kan man xtinxibij ta wi',
roma rija' kan beneq wik'in.
Yiruyuqej k'a rik'in ri ruch'ame'y
y yirukol k'a rik'in ri ruch'aybal,
re' kan nuben chuwe chi kan ninkuquba' nuk'u'x.
5Rat Jehová kan naben jun nimaq'ij richin yiwa' chikiwech ri e etzelanel wichin.
Kan naya' k'a utz peten chuwe,
Y kan nanojisaj k'a ri nuqumbal, k'a toq nipulin-el.
6Kan qitzij na wi chi ri awutzil y ri awajowabal,
kan xtaya' k'a pa nuwi' ronojel q'ij chire ri nuk'aslen.
Rokik xtaya' nuk'aslen, yin xkik'oje' jantape' pan awachoch.
Currently Selected:
Sal 23: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
