Sal 149
149
Ri Dios k'iytisanel richin ronojel y rey
1Tinimirisex ruq'ij ri Jehová
Tibixex k'ak'a' taq bix chire ri Jehová;
rix ri kan ix richin rija', tiya' ruq'ij chupan ri imolojri'il.
2Ri israelita kan kekikot k'a rik'in ri xbanon kichin.
Ri aj-Sión, kan kekikot k'a rik'in ri ki-rey.
3Kan tibixex k'a ri rubi' y ketzopin roma kikoten.
Rik'in ri pandero y ri arpa kebixan richin nikiya' ruq'ij.
4Roma ri Jehová kan nikikot rik'in ri rutinamit.
Ri kiqasan-ki' chuwech kan nuya' ch'akonik chike.
5Kan kekikot k'a ri kan nikiben ri nubij rija'.
Kan kebixan k'a stape' ek'o chik pa kich'at.
6Tinimirisaj ruq'ij ri Dios rik'in kikoten,
rokik ik'uan pan iq'a' ri espada ri ka'i' rey,
7richin niben ruk'exel chike ri winaqi' ri man nikitzeqelibej ta ri Dios,
richin niya' rutojbalil-mak chike ri winaqi' ri';
8richin ye'ijitz' rik'in ch'ich' ri ki-rey,
ri e tata'al y ri achi'a' ri k'o kiq'ij kan ke'ijitz'a' rik'in cadena;
9richin niben kik'in rije' achi'el ri tz'ibatel kan pa kiwi'.
Ronojel re' kan jun ruwaq'ijaj kichin ri rutinamit ri Dios.
¡Kan tinimirisex ruq'ij ri Dios!
Currently Selected:
Sal 149: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
