Sal 150
150
Tinimirisex ruq'ij ri Dios rik'in jalajoj ruwech q'ojom
1Tinimirisex ruq'ij ri Dios.
Tinimirisex ruq'ij rija' chupan ri rachoch.
Tinimirisex ruq'ij ri chila' chikaj.
2Tiya' ruq'ij roma ri nima'q taq banobel ri yeruben.
Tiya' ruq'ij roma ri runimirinen rija' kan maneq retabal.
3Tibixaj ri rubi' ri Dios rik'in ri xupubel.
Tibixaj ri rubi' rik'in ri salterio y ri arpa.
4Tiya' ruq'ij ri Dios rik'in pandereta,
y kan kixropiyaj roma kikoten.
Tiya' ruq'ij rik'in xul y q'ojom ri e banon rik'in k'an.
5Tinimirisaj ruq'ij ri Dios rik'in jalajoj ruwech q'ojom ri e banon rik'in ch'ich'.
Tiya' ruq'ij rik'in q'ojom ri kan yewajin.
6Konojel ri k'o kik'aslen kan tikinimirisaj k'a ruq'ij ri Jehová.
¡Kan tinimirisex k'a ruq'ij rija'!
Currently Selected:
Sal 150: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
