Sal 141
141
Kuqubabel-k'u'x rik'in ri Jehová*f123*
1Jehová, kan awik'in rat yich'on-wi,
tabana' utzil katanpe chi'anin.
Tawak'axaj k'a ri nuch'abel toq yich'on awik'in.
2Ri nuch'owen, kan nijubulin ta napon chawech achi'el ri jubulej pom.
Ri nuq'a' ri nuyakon chawech, kan xtiqa' ta k'a chawech,
achi'el ri kamelabel ri nisuj chawe tiqaq'ij.
3Nimalej Jehová, tabana' utzil man taya' q'ij chi yenbila' ch'abel ri man ruk'amon ta.
Kan tachajij k'a ri nuchi' richin man jun itzel ninbij.
4Man taya' q'ij, chi ri wánima nikikot rik'in ri etzelal,
chi yin ninben ri itzel taq banobel, ri kan man niqa' ta chawech.
Man taya' q'ij chi yin yinimaq'ijun kik'in winaqi' ri e banoy etzelal.
5Wi ta jun wineq ri choj ruk'aslen yirujich'aj, ri' kan jun utzil chuwe yin,
y wi yiruch'olij, kan jun k'a jubulej aq'om chuwe yin.
Ronojel re' yin man ninwixowaj ta, roma utz nuben chuwe;
stape' keri' yin jantape' xkich'on rik'in Dios.*f124*
6Ri e q'atoy taq tzij kichin rije' kan xkebek'aq k'a pe k'a pa siwan,
y keri' ri e banoy etzelal xtiketamaj chi ri ch'abel ri xinbij yin kan qitzij wi.
7Ri kibaqil rije' kan xkek'aq k'a kan chuchi' ri jul richin muqbel,
achi'el toq yeban boloj y k'a nik'oje' na kan k'olok'eq ulew chupan.
8Jak'a yin kan ja rat Jehová wajaw, ri at nutzuliben.
Kan kuqul nuk'u'x awik'in.
Roma ri' man tawisq'opej ri nuk'aslen.
9Kinajech'ej chuwech ri pikbel ri kiya'on pa nubey;
chuwech ri pikbel ri kibanon ri e banoy taq etzelal.
10Jak'a ri e banoy taq etzelal, kan ta ja rije' ri xketzaq chupan ri pikbel ri',
rokik yin yiq'ax, y man jun xtink'uluwachij.
Currently Selected:
Sal 141: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
