Sal 138
138
Matioxinik roma ri rutzil ri Jehová*f120*
1Jehová, rik'in ronojel wánima xtinya' aq'ij;
chikiwech k'a ri ch'aqa' chik dios xtinya' aq'ij rik'in bix.
2Yitzu'un pa ruchojmilal ri awachoch, y ninya' aq'ij.
Xtinbixaj k'a ri abi' roma ri ajoyowanik y kan naben ri nabij,
roma kan animirisan k'a ri abi' y ri ach'abel pa ruwi' ronojel.
3Ri q'ij toq yin xich'on awik'in, kan xak'uluba-pe ri nuch'abel;
kan xaya' k'a ri wuchuq'a'.
4Kan tikiya' aq'ij rat Jehová, konojel ri rey richin ri ruwach'ulew,
roma kak'axan ri ach'abel.
5Kan ta xtikibixaj k'a ronojel ri abanon rat,
Roma ri ak'ojlemal kan janila nim.
6Rat Jehová kan atk'o pa ruwi' ronojel,
y kan nawak'axaj ri ruch'abel ri wineq ri ruqasan-ri' chawech.
Jak'a ri kinimirisan-ki' kan k'a nej atk'o-wi chike.
7Wi ta yin ink'o pa ruk'ayewal, rat kan yinachajij.
Kan xtatzeqej k'a ri aq'a' chikij ri e etzelanel wichin y yinakol.
8Rat Jehová, kan xtaben k'a chupan ri nuk'aslen ri nawajo' rat.
Ri ajoyowanik rat Jehová kan richin k'a jantape'.
Roma ri' tabana' utzil man ta malij kan ri ja rat at banayon.
Currently Selected:
Sal 138: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
