Sal 137
137
Ri kiq'axo'n ri israelita ri ek'o pa Babilonia
1Chuchi' ri raqen taq ya' richin ri Babilonia,
chiri' k'a yojtz'uye-wi y kan janila yojoq',
roma noqaqa chiqak'u'x ri tinamit Sión.
2Chirij k'a ri ruq'a' taq che' ri ek'o chiri' niqatzeqeba-wi ri qaq'ojom.
3Ri winaqi' ri e uk'uayon-el qichin chupan ri ximonri'il ri' nikibij k'a chiqe chi qojbixan.
Ri oj yoyon chupan ri tijoj-poqonal ri', nikik'utuj k'a kikoten chiqe y nikibij:
Tibixaj jujun bix richin ri tinamit Sión.
4Jak'a roj kan man xtiqabixaj ta k'a ri bix richin ri Jehová,
toq xa chupan jun chik ruwach'ulew ri xa man qichin ta roj ojk'o-wi.
5Wi ta yin ninmestaj kan ri tinamit Jerusalem,
xa kan tik'is k'a ri wuchuq'a'.
6Chuqa' ri waq' xa kan tutz'ama' k'a ri' pa nuchi',
wi man xtoqaqa ta chinuk'u'x ri Jerusalem,
wi man xtinnimirisaj ta ri Jerusalem, roma ja rija' ri nukikoten.
7Nimalej Jehová, ke'oqaqa chi'ak'u'x ri winaqi' aj-Edom,
ri janila xekikot toq xch'akatej ri Jerusalem,
toq xkibij: ¡Tiwulaj kan jumul, tiwulaj kan jumul ri ruxe' ri chapayon richin!, xecha'.
8Rix aj-Babilonia, rix chuqa' kan xkixbek'is.
Jebel ruwa-kiq'ij ri xtiya'on ruk'exel chiwe ri xiben chiqe roj.
9Jebel ruwa-kiq'ij ri xkekichop ri iwalk'ual,
y xkekik'eq chuwech abej.
Currently Selected:
Sal 137: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
