Sal 136
136
Bix roma ri rujoyowanik ri Dios pa kiwi' ri israelita
1Tiya' ruq'ij ri Jehová roma rija' kan janila jebel;
roma ri rujoyowanik rija' kan richin jantape'.
2Tinimirisaj ruq'ij ri Dios ri k'o más nim ruchuq'a' pa kiwi' ch'aqa' chik dios;
roma ri rujoyowanik rija' kan richin jantape'.
3Tiya' ruq'ij ri ajaw ri k'o más rejqalen ke chikiwech ri ch'aqa' chik ajaw;
roma ri rujoyowanik rija' kan richin jantape'.
4Kan xaxe rija' ri xbanon ri nima'q taq banobel;
roma ri rujoyowanik rija' kan richin jantape'.
5Kan rik'in na'oj xuben ri kaj:
Roma ri rujoyowanik rija' kan richin jantape'.
6Xurik' ri ruwach'ulew pa ruwi' ri ya':*f119*
Roma ri rujoyowanik rija' kan richin jantape'.
7Xuben ri nima'q taq saqirisabel ri ek'o chuwech ri kaj:
Roma ri rujoyowanik rija' kan richin jantape'.
8Ri q'ij xuben chi nisaqirisan paq'ij:
Roma ri rujoyowanik rija' kan richin jantape'.
9Ri ik' y ri ch'umila' xuben richin yesaqirisan ri chi'aq'a':
Roma ri rujoyowanik rija' kan richin jantape'.
10Xuben chi xeken konojel ri nabey taq al alaboni' pan Egipto:
Roma ri rujoyowanik rija' kan richin jantape'.
11Chuqa' xerelesaj-pe ri qati't-qamama' chikikojol rije':
Roma ri rujoyowanik rija' kan richin jantape'.
12Xuben ronojel re' rik'in nimalej uchuq'a':
Roma ri rujoyowanik rija' kan richin jantape'.
13Xuch'er pa ka'i' ri Kaqa-Palou:
Roma ri rujoyowanik rija' kan richin jantape'.
14K'ari' xuben chike ri qati't-qamama' chi xeq'ax-el chupan:
Roma ri rujoyowanik rija' kan richin jantape'.
15Xerumuq k'a kan chupan ri ya' ri', ri rey richin Egipto y ri aj-labal:
Roma ri rujoyowanik rija' kan richin jantape'.
16Kan xeruyuq'uj k'a ri qati't-qamama' chupan ri tz'iran ruwach'ulew:
Roma ri rujoyowanik rija' kan richin jantape'.
17Kan xerukamisaj k'a nima'q taq rey kichin ch'aqa' chik ruwach'ulew:
Roma ri rujoyowanik rija' kan richin jantape'.
18Xerukamisaj k'a rey ri k'o janila kiq'ij:
Roma ri rujoyowanik rija' kan richin jantape'.
19Xukamisaj k'a ri Sehón ri ki-rey ri winaqi' amorreo:
Roma ri rujoyowanik rija' kan richin jantape'.
20Xukamisaj k'a ri Og ri rey richin ri ruwach'ulew Basán:
Roma ri rujoyowanik rija' kan richin jantape'.
21Ri kiruwach'ulew re winaqi' re' kan xuya' k'a chike ri qati't-qamama':
Roma ri rujoyowanik rija' kan richin jantape'.
22Xuya' chike richin xkichinaj kan:
Roma ri rujoyowanik rija' kan richin jantape'.
23Tiqamatioxij chire rija' ri kan xojoqaqa chuk'u'x toq niqak'owisaj tijoj-poqonal:
Roma ri rujoyowanik rija' kan richin jantape'.
24Xojrukol chikiwech ri e etzelanel qichin:
Roma ri rujoyowanik rija' kan richin jantape'.
25Ja rija' k'a nitzuqun kichin konojel ri e k'es chuwech re ruwach'ulew:
Roma ri rujoyowanik rija' kan richin jantape'.
26Tiqanimirisaj k'a ruq'ij ri Jehová ri Dios ri k'o chila' chikaj:
Roma ri rujoyowanik rija' kan richin jantape'.
Currently Selected:
Sal 136: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
