Sal 121
121
Ri Jehová chajinel qichin roj*f105*
1Kan xkitzu'un k'a q'anej pa ruwi' chijun la juyu';
ninbij k'a ¿Akuchi ta k'a xtipe-wi ri to'onik wichin yin?
2Ri to'onik wichin yin kan rik'in k'a ri Jehová nipe-wi.
Ja rija' xbanon ri kaj y ri ruwach'ulew.
3Rija' kan man xtuya' ta k'a q'ij richin yajilijo',
ni man niwer ta k'a ri nichajin awichin.
4Rija', kan man nuxlan ta,
ni man niwer ta ri nichajin kichin ri qawinaq.
5Ri Jehová jari' ri nichajin awichin;
rija' kan yaruto' richin jantape'.
6Roma ri' ri paq'ij, man jun xtak'uluwachij,
y keri' chuqa' chupan ri tokoq'a'.
7Ri Jehová xkaruchajij k'a chuwech ronojel ruk'ayewal;
ja rija' xtichapo ri ak'aslen.
8Ri Jehová k'o awik'in toq yatel-el y toq yatzolin.
Keri' nuben re wakami y keri' tibe-q'ij tibe-seq.
Currently Selected:
Sal 121: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
