Sal 120
120
Ch'owen richin jun ri nutej poqon*f103*
1Toq yin xik'oje' chupan ri tijoj-poqonal, kan xich'on rik'in ri Jehová.
Rija' kan xirak'axaj k'a chire ri nuch'owen.
2Tabana' utzil Jehová kinakolo' chikiwech ri tz'ukuy taq tzij,
chikiwech ri xaxe q'oloj nikiben.
3¿Rix winaqi' tz'ukuy taq tzij, achike k'a xtuben ri Dios iwik'in?
¿Achike ta k'a nich'ek chi keri' ri ibanobal?
4¡Ri nich'ek ja ri ch'ab ri is-is rutza'n ri nukusaj jun achin ri kan richin labal,
ri kan ruk'uan racheq q'aq' ri keq-keq rubanon!
5Toq'ex nuwech yin, ri ink'o pa ruwach'ulew Mésec,*f104*
ri in k'es chikikojol ri aj-Quedar.
6Xa kan xik'o yan k'a nuk'u'x chi in k'es chikikojol ri winaqi' ri man niqa' ta chikiwech ri uxlanibel-k'u'x.
7Yin kan ja ri uxlanibel-k'u'x ri niqa' chinuwech,
jak'a toq ninnataj re' chike, rije' kan yinkichop chi oyowal.
Currently Selected:
Sal 120: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
