Sal 122
122
Bix pa ruwi' ri tinamit Jerusalem*f106*
1Yin kan janila k'a xikikot kik'in ri yebin chuwe,
Jo', pa rachoch ri Jehová.
2Roj kan ojk'o chik chupan ri okibel richin ri Jerusalem.
3Jerusalem, jun tinamit ri banon-q'anej,
jun tinamit ri akuchi nikimol-ki' konojel ri qawinaq.
4Chiri' xejote-q'anej ri tzobaj winaqi' richin ri Jehová,
richin nikiya' ruq'ij rija', achi'el nubij ri pixa'.
5Roma chiri' ek'o-wi ri tz'uyubel richin q'atoj-tzij richin ri ruchojmilal,
ri tz'uyubel kichin ri e aj pa rachoch kan ri David.
6Tik'utuj ri uxlanibel-k'u'x richin ri tinamit Jerusalem,
Konojel ri ye'ajowan richin ri Jerusalem, kan ta k'a utz xtel ronojel chikiwech.
7Ri uxlanibel-k'u'x kan ta k'a xtik'oje' akuchi sutin-rij chi tz'aq.
Chupan ri jay richin q'atbel-tzij kan ta k'a xtik'oje' uxlanen.
8Roma ri wajowabal pa kiwi' ri wach'alal y ri wachibil, kan xtinbij k'a yin:
Ri uxlanibel-k'u'x xtik'oje' rik'in ri tinamit Jerusalem.
9Roma ri wajowabal pa ruwi' ri rachoch ri Jehová ri qa-Dios,
kan xtintej k'a nuq'ij richin utz yojk'oje'.
Currently Selected:
Sal 122: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
