Sal 115
115
Ri Dios y ri wachibel
1Man chiqe ta k'a roj Jehová ri ruwaq'ijaj, xa kan awichin rat,
roma ri awajowabal ri man k'isel ta,
y roma man yojamalij ta kan.
2Ri winaqi' ri man yatkitzeqelibej ta yojkiyojobej y nikibij:
¿Akuchi k'a k'o-wi ri ki-Dios?
3Ri qa-Dios roj k'o k'a chila' chikaj.
Ronojel ri nurayij chi nuben, kan rubanon.
4Jak'a ri ki-dios rije' xa rik'in saqipueq y q'anapueq kibanon-wi.
Xa kisamaj k'a ri winaqi'.
5K'o kichi', jak'a xa man yech'on ta:
K'o runaq' taq kiwech, jak'a xa man yetzu'un ta:
6K'o kixikin, jak'a xa man ye'ak'ex ta:
K'o kitza'n, jak'a xa man yeseqon ta:
7K'o kiq'a', jak'a xa man jun nikichop:
K'o kaqen, jak'a xa man yebiyin ta:
K'o kiqul, jak'a xa man yech'on ta.
8Kan e achi'el k'a re wachibel re', e keri' ri winaqi' ri yebanon kichin;
e keri' chuqa' konojel ri nikikuquba' kik'u'x kik'in.
9Rix nuwinaq israelita tikuquba' ik'u'x rik'in ri Jehová.
Ja rija' ri ito'onel y chajinel iwichin.
10Chuqa' rix ri ix sacerdote, tikuquba' ik'u'x rik'in ri Jehová.
Ja rija' ri ito'onel y chajinel iwichin.
11Ri k'o rukiy ri Jehová chikiwech, kan tikikuquba' kik'u'x rik'in.
Ja rija' ri to'onel y chajinel kichin.
12Kan xojoqaqa chuk'u'x, y kan xqojrurtisaj.
Xtrurtisaj ri e rijatzul kan ri Israel;
xkerurtisaj chuqa' ri e rijatzul kan ri Aarón.
13Xkerurtisaj k'a ri k'o rukiy ri Jehová chikiwech, chi ch'uti'q chi nima'q.
14Ri Jehová kan xtuben chike chi xkewinaqir, rije' y ri kijatzul.
15Kan utz ruwa-iq'ij rix ri ix richin ri Jehová,
ri Jehová ri xbanon ri kaj y ri ruwach'ulew.
16Ri kaj kan richin k'a ri Jehová.
Jak'a ri ruwach'ulew kan ruya'on k'a chiqe roj.
17Man ja ta ri e kaminaqi' ri yeya'on ruq'ij ri Jehová,
roma ri maneq chik kik'aslen man jun chik yetikir nikibij.
18Jak'a roj ri k'a oj k'es na, kan jantape' k'a xtiqanimirisaj ruq'ij ri Jehová,
re wakami y keri' tibe-q'ij tibe-seq.
Tiya' ruq'ij ri Jehová.
Currently Selected:
Sal 115: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
