Sal 114
114
Natabel kichin ri israelita toq xe'el-pe pan Egipto
1Toq ri winaqi' israelita xe'el-pe pan Egipto,
toq ri e rijatzul kan ri Jacob xe'el-pe chupan ri ruwach'ulew ri xa man kichin ta rije',
2jari' toq ri rijatzul ri Judá xecha'ox richin xe'ok richin ri Jehová.
Jari' toq ri Israel xok rajawaren.
3Ri Kaqa-Palou kan xaxe toq xerutz'et, xanimej chikiwech rije'.
Ri raqen-ya' Jordán kan xutzolij k'a ri' chirij.
4Ri nima'q taq juyu' kan xesilon, achi'el yetzopiyaj ri achija' taq tzuntzun.
Ri ruwa taq juyu' kan xesilon k'a achi'el nikiben ri alaji' taq karne'l.
5¿Achike roma ri Kaqa-Palou xa xanimej?
¿Achike roma ri raqen-ya' Jordán xa xtzolin chirij?
6¿Achike roma ri nima'q taq juyu' xesilon achi'el yetzopiyaj ri tzuntzun?
¿Achike roma ri ruwa taq juyu' xesilon achi'el nikiben ri alaji' taq karne'l?
7Kan xaxe k'a chuwech ri Jehová nisilon chijun ruwach'ulew;
kan xaxe k'a chuwech ri ru-Dios ri Jacob.
8Ja rija' xbanon chi ri nima-abej xel-pe k'iy ya' chupan.
Xuben chi ri abej xe'ok alaxibel taq ya'.
Currently Selected:
Sal 114: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
