Sal 116
116
Ch'owen richin matioxinik
1Yin kan ninwajo' ri Jehová,
roma toq yin xink'utuj utzil chire, rija' kan xirak'axaj.
2Roma rija' kan xuya' ruxikin chire ri nuch'abel.
Roma ri' kan ronojel k'a q'ij xkich'on rik'in.
3Yin kan chuwi' kamik chik k'a ink'o-wi.
Ri rukiy ri jul muqbel kamineq xa kan xoqaqa yan k'a chuwij.
Xa kan ruyon chik k'a bis y q'axo'n ri wilon.
4Jari' toq xinnataj rubi' ri Jehová, y xink'utuj chi rija' kirukolo'.
5Ri Jehová kan koch'onel y kan choj ri nuben.
kan joyowanel-wi k'a ri qa-Dios roj.
6Ri Jehová kan yeruto' k'a ri man kinimirisan ta ki'.
Toq yin man yitikir ta chik ninto-wi', rija' xirukol.
7Wakami yikikot roma ri Jehová kan utz xuben wik'in.
8Ri Jehová kan xirukol k'a chuwech ri kamik.
Xuya' wuchuq'a' richin man xinoq' ta chik.
Y xuya' ruchuq'a' ri waqen richin man xijilijo' ta.
9Yin ninwajo' yik'ase' y man jani yiken,
richin ninsamajij y ninya' ruq'ij.
10Kan kuqul-wi nuk'u'x, stape' ri nuq'axo'n kan janila nim.
11Roma ri nuq'axo'n kan xinmalij k'a nuk'u'x,
xinbij k'a chi konojel winaqi' xa e tz'ukuy taq tzij.
12¿Achoq ik'in ta k'a xkitikir xtintojbej chire ri Jehová,
pa ruk'exel ronojel ri rutzil ri rubanon wik'in?
13Xtinsuj k'a vino chire richin jun sipanik, richin matioxinik.
14Wakami kan xtinben k'a ri nusujun chire ri Jehová,
y xkinkitz'et k'a konojel ri nuwinaq.
15Ri Jehová kan nupoqonaj k'a kiwech ri e ralk'ual rija' toq ye'apon chuwech ri kamik.
16Jehová, kan qitzij na wi chi yin in asamajel rat.
Xkatinsamajij achi'el xarusamajij ri nte',
roma kan xinawelesaj-pe chupan ri ximonri'il.
17Kan xtinsuj jun sipanik richin matioxinik chawe.
Jak'a ri abi' rat ri xtinnataj beneq ruwech.
18Wakami kan xtinben k'a ri nusujun chawe,
y xkinkitz'et k'a konojel ri nuwinaq,
19chupan k'a ri ruwa-jay richin ri awachoch,
y chupan k'a ri tinamit Jerusalem.
Kan tinimirisex k'a ruq'ij ri Jehová.
Currently Selected:
Sal 116: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
