Sal 113
113
Ri nimalej ruq'ij ri Jehová
1Tiya' ruq'ij ri Jehová.
Tibixaj rubi' ri Jehová, rix ri ix rusamajela',
2Ri rubi' ri Jehová kan jantape' k'a tinimirisex;
kan keri' k'a tiban tibe-q'ij tibe-seq.
3Kan k'a akuchi k'a nel-wi-pe ri q'ij, y k'a akuchi nibeqaqa-wi,
kan tinimirisex k'a ri rubi' ri Jehová.
4Kan xaxe k'a ri Jehová ri niq'aton-tzij pa ruwi' ri ruwach'ulew.
Ri ruk'ojlemal rija' kan nik'o k'a chuwech ri kaj.
5¿Achike chik ta k'a jun k'o achi'el ri Jehová ri qa-Dios,
ri kan k'a más nej chire ri kaj tz'uyul-wi?
6Stape' kan keri', rija' nuqasaj-ri' richin nutzu-pe ri kaj y ri ruwach'ulew.
7Ri Jehová nuyek-q'anej ri meba' chupan ri meba'il.
y ri kan k'o nik'atzin chire nrelesaj chupan ri ruk'ayewal ri'.
8K'ari' nuben chike chi yetz'uye' chikikojol ri achi'a' ri k'o kiq'ij,
y chikikojol ri e tata'al richin ri tinamit.
9Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch.
Chuqa' nuben chi yek'oje' kal, y yekikot.
Kan tinimirisex k'a ruq'ij ri Jehová.
Currently Selected:
Sal 113: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
