Sal 112
112
Ri kikoten richin ri wineq ri k'o rukiy ri Jehová chuwech
1Tinimirisex ruq'ij ri Jehová.
Jebel ruwa-ruq'ij ri wineq ri k'o rukiy ri Jehová chuwech,
ri kan rik'in ri rupixa' rija' nikikot-wi jantape'.
2Ri rijatzul kan xtik'oje' k'a kiq'ij chuwech re ruwach'ulew.
Ri kijatzul ri choj kik'aslen, kan xtikik'ul k'a urtisanik.
3Kan xtik'oje' k'a janila chi beyomel rik'in.
Ri ruchojmilal jari' ri xtuben jantape'.
4Nisaqirisan k'a pe jun q'aq' pa q'equ'm chikiwech ri winaqi' choj kik'aslen,
chikiwech ri kan e joyowanel, e koch'onel y kan choj ri kik'aslen.
5Ri utzilej wineq k'o joyowanik rik'in y k'o nuya' pa qajik,
ri wineq ri' nik'ayin y niloq'on pa ruchojmilal.
6Roma ri' kan man jun bey xtitzaq.
Y jantape' xtinatex.
7Rija' man xtuxibij ta ri' toq nrak'axaj jun rutzijol richin ruk'ayewal.
Ri ránima kan jikil k'a, kan kuqul k'a ruk'u'x rik'in ri Jehová.
8Rija' kan kow k'o, y roma ri' man nuxibij ta ri'.
Kan yerutzu' k'a ri e etzelanel richin toq nikitej poqon.
9Rija' kan man k'ek' ta; kan yeruto' ri man jun k'o kik'in.
Ri ruchojmilal kan jari' ri nuben jantape'.
Rija' xtuk'ul ruwaq'ijaj jantape'.
10Jak'a toq ri wineq banoy etzelal nutz'et re', kan xtiyakatej royowal.
Kan xtuqach'ach'ila' rey roma ri royowal y xa xtipe ruyabil.
Keri' ri kirayibel ri e banoy taq etzelal, xa xtik'is.
Currently Selected:
Sal 112: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
