Sal 111
111
Bix richin ri rubanobal ri Dios
1Tinimirisex ruq'ij ri Jehová.
Yin xtinya' ruq'ij ri Jehová rik'in ronojel wánima.
Beneq ruwech keri' xtinben chupan ri molojri'il kichin ri choj kik'aslen.
2Kan janila k'a e nima'q ri samaj ri e rubanalon ri Jehová.
Kan k'uxla'an k'a koma konojel ri ye'ajowan richin.
3Chijun ri rusamaj kan janila ruq'ij-ruk'ojlen.
Y ri ruchojmilal ri nuben kan richin q'asen.
4E nima'q taq banobel yeruben ri Jehová richin natabel richin.
Rija' kan joyowanel y koch'onel.
5Konojel k'a ri nikiya' ruq'ij rija', kan yerutzuq k'a.
Ri jikibel-tzij ri rubanon, kan jantape' k'o chuk'u'x.
6Ri nimalej ruchuq'a' nuk'ut k'a chikiwech ri rutinamit.
Nuya' k'a chike richin nikichinaj kan ri ruwach'ulew kichin ch'aqa' chik winaqi'.
7Ronojel ri nuben rija', jari' ri qitzij y kan pa ruchojmilal.
Ri nubij chupan ri rupixa' kan jari' k'a ri nuben.
8Ronojel re' kan e jikiban k'a kan richin q'asen.
Kan e qitzij y pa ruchojmilal.
9Xuteq k'a pe ri kolotajik chire ri rutinamit;
ri jikibel-tzij ri rubanon, kan jari' ri k'o jantape'.
Ri rubi' rija' kan loq'olej-wi y kan k'o rukiy.
10Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech.
Roma ri' konojel ri nikitaqej ri rupixa', kan e aj-na'oj.
Kan jantape' k'a tiya'ox ruq'ij ri Jehová.
Currently Selected:
Sal 111: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
