Sal 110
110
Ri Jehová nuya' uchuq'a' pa ruq'a' ri rey*f102*
1Ri Jehová xubij chire ri wajaw:
Katz'uye-pe re pa wijkiq'a' y xkenya' pan aq'a' ri ye'etzelan awichin, xcha'.
2Ri Jehová xtunimirisaj ri awajawaren ri chiri' pa Sión.
Kan kak'oje' k'a pa kiwi' ri e etzelanel awichin.
3Y ri chiri' toq rat xkabe pan oyowal, ri aj-labal xtikisuj-ki' richin xkebe chawij.
Y rije' kan xtikitz'apej ruwech ri ruwach'ulew roma janila e k'iy,
achi'el ri raxq'ab ri niqaqa toq k'a man ja ni niseqer-q'anej,
4Ri Jehová xuya' ri rutzij y man xtutzolij ta ri' chirij.
Kere' xubij: Ja rat ri at sacerdote richin q'asen
achi'el rubanik xinben rik'in ri Melquisedec, xcha' chawe.
5Ri ajaw kan k'o k'a pan awijkiq'a'.
Toq xtapon ri q'ij richin nrelesaj ri royowal,
kan xkeruk'is k'a konojel ri ch'aqa' chik rey.
6Xtuq'et k'a tzij pa kiwi' ri tzobaj winaqi' richin ri ruwach'ulew.
Chijun ri ruwach'ulew kan xkenoj k'a rik'in kaminaqi'.
Xkeruk'is k'a konojel ri ch'aqa' chik rey.
7Y rat xtaqum k'a el aya' chiri' chuchi' ri bey, richin xtik'oje-el más awuchuq'a'.
Roma ronojel re', rat xkatikir xkach'akon.
Currently Selected:
Sal 110: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
