Neh 7
7
Ri Nehemías yerucha' ri e uk'uey taq bey
1Toq ri tz'aq xpa'e' chik el jun bey y xeyolox ri ruchi', jari' toq xecha'ox chuqa' ri yechajin ri ruchi' y xecha'ox chuqa' ri bixanela' y ri ch'aqa' chik levita ri yebanon jalajoj ruwech samaj. 2Wawe' pa Jerusalem k'o k'a jun achin rubini'an Hananías, y rija' kan qitzij k'o rukiy ri Dios chuwech. Y rija' ri aj-raqen pa ruwi' ri jay ri akuchi ek'o-wi ri aj-labal richin ri Jerusalem. Y xinbij k'a chi ja rija' y ri wach'alal Hananí ri yepa'e' chuwech ri tinamit. 3Y xinbij k'a chike: K'a toq xtimeq'e' na pe ri q'ij, k'ari' nijeq ruchi' ri tz'aq. Y kan k'a seq na, toq xtitz'apej ri ruchi' toq k'a ek'o na ri chajinela'. Y ri chi'aq'a' kan xke'ikanoj chi'ikojol-qa rix chajinela', richin keri' ch'aqa' yek'oje' chunaqaj ri ruchi' ri tz'aq y ri ch'aqa' chik yechajin chunaqaj ri kachoch, xicha'. 4Roma ri tinamit kan janila nim, jak'a man jani ek'o k'iy jay chupan, roma man jani ek'o e k'iy winaqi'.
Ri e tzolejineq-pe rik'in ri Zorobabel.
5Ri Dios xuya' k'a pa wánima richin chi yenmol ri nima'q taq achi'a', ri aj-raqen pa kiwi' ri tinamit y chuqa' konojel ri winaqi' ri ek'o richin chi nitz'ibex kibi' achi'el ri kijatzul. Y xinwil k'a jun wuj ri akuchi tz'ibatel-wi kan ri kibi' konojel ri winaqi' ri e tzolejineq-pe nabey. 6Jare' k'a ri rucholajen ri kibi' ri kijatzul ri israelita ri e alaxineq wawe' pa Judá y xe'uk'uex-el roma ri Nabucodonosor, rey richin ri Babilonia, y re' xetzolin-pe pa Jerusalem y pa Judá y chikijujunal xebe pa taq kitinamit. 7Y ri xek'amon-pe kibey ja ri Zorobabel, ri Josué, ri Nehemías, ri Azarías, ri Raamías, ri Nahamaní, ri Mardoqueo, ri Bilsán, ri Mispéret, ri Bigvai, ri Nehúm y ri Baaná:
8-24Ri e rijatzul kan ri Parós, e 2,172;
ri e rijatzul kan ri Sefatías, e 372;
ri e rijatzul kan ri Árah, e 652;
ri e rijatzul kan ri Pahat-moab, e 2,818 y rije' e kijatzul kan ri Josué y ri Joab;
ri e rijatzul kan ri Elam, e 1,254;
ri e rijatzul kan ri Zatú, e 845;
ri e rijatzul kan ri Zacai, e 760;
ri e rijatzul kan ri Binuy, e 648;
ri e rijatzul kan ri Bebai, e 628;
ri e rijatzul kan ri Azgad, e 2,322;
ri e rijatzul kan ri Adonicam, e 667;
ri e rijatzul kan ri Bigvai, e 2,067;
ri e rijatzul kan ri Adín, e 655;
ri e rijatzul kan ri Ater, e jumuch' waqxaqlajuj, y rije' e rijatzul kan ri Ezequías;
ri e rijatzul kan ri Hasum, e 328;
ri e rijatzul kan ri Besai, e 324;
ri e rijatzul kan ri Harif, e 112.
25Y ri kajlabal ri achi'a' aj-Gabaón, e jumuch' wolajuj.
26-38Ri kajlabal ri winaqi' ri yepe chupan ri jalajoj ruwech taq tinamit ja re':
Ri pa Belén y ri pa Netofá, e 188;
ri pan Anatot, e 128;
ri pa Bet-azmávet, e kawineq ka'i';
ri pa Quiriat-jearim, ri pa Quefirá y ri pa Beerot, e 743;
ri pa Ramá y ri pa Gueba, e 621;
ri pa Micmás, e 122;
ri pa Betel y ri pan Ai, e 123;
ri pa Nebo, e kawineq kablajuj;
ri pan Elam, e 1,254;
ri pan Harim, e 320;
ri pa Jericó, e 345;
ri pa Lod, ri pan Hadid y ri pan Onó, e 721;
ri pan Senaá, e 3,930.
39-42Jare' ri kajlabal ri sacerdote ri xetzolin-pe ri e kijatzul kan ri Jedaías, ri e aj pa rachoch kan ri Josué, rije' e 973; ri Imer, e 1,052; ri Pashur, e 1,247; ri Harim, e 1,017;
43-45Jare' ri kajlabal ri levita ri xetzolin-pe ri e kijatzul kan ri Josué, ri Cadmiel y ri Hodavías, e oxk'al kajlajuj, ri bixanela' ri e rijatzul kan ri Asaf, e 148, ri e kijatzul kan ri Salum, ri Ater, ri Talmón, ri Acub, ri Hatitá y ri Sobai, e 138, y rije' e chajinela' richin ri rachoch ri Dios.
46-56Chuqa' xepe ri e kijatzul kan ri e samajela' richin ri rachoch ri Jehová: Jare' k'a ri kibi' ri kati't-kimama': ri Sihá, ri Hasufá, ri Tabaot, ri Queros, ri Siahá, ri Padón, ri Lebaná, ri Hagabá, ri Salmai, ri Hanán, ri Guidel, ri Gáhar, ri Reaías, ri Resín, ri Necodá, ri Gazam, ri Uzá, ri Paséah, ri Besai, ri Meunim, ri Nefusim, ri Bacbuc, ri Hacufá, ri Harhur, ri Baslut, ri Mehidá, ri Harsá, ri Barcós, ri Sísara, ri Temá, ri Nesíah y ri Hatifá.
57-59Chuqa' xepe ri e kijatzul ri e rusamajela' ri rey Salomón. Jare' k'a ri kibi' ri kati't-kimama': Ri Sotai, ri Soféret, ri Perudá, ri Jaalá, ri Darcón, ri Guidel, ri Sefatías, ri Hatil, ri Poquéret-hasebaím y ri Amón. 60Y ri kajlabal ri e rijatzul ri samajela' richin ri rachoch ri Jehová y ri e rijatzul ri e rusamajela' ri rey Salomón e 392.
61-62E 642 kijatzul ri Delaías, ri Tobías y ri Necodá xe'el-pe pa tinamit Tel-mélah, pa Tel-harsá, pa Querub, pan Adón y ri pan Imer richin xepe pa Judá. Jak'a rije' man xetikir ta xkik'ut achike ijatzul e peteneq-wi y e achike chi ach'alalri'il.
63Y chuqa' xepe jujun sacerdote e kijatzul ri Hobaías, ri Cos y ri Barzilai. Ri Barzilai k'ulan rik'in rumi'al ri jun chik achin rubini'an Barzilai ri aj-Galaad, y roma ri' xuk'uaj ri rubi' ri rujinan. 64Re winaqi' re' xkikanoj ri kibi' y ri kijatzul chupan ri wuj richin bi'aj, jak'a man xkil ta. Y roma ri' man xe'ukusex ta richin yesamej chupan ri rachoch ri Dios. 65Y ri aj-raqen pa ruwi' ri ruwach'ulew xkibij chike chi man nikitej ta chik ri kiq'utun ri sacerdote roma ri q'utun ri' kan ch'aron chike rije', keri' nikiben k'a toq xtik'oje' na jun nimalej sacerdote ri xtuk'utuj chire ri Dios wi qitzij chi rije' e sacerdote o ni.
66Y ri kajlabal re winaqi' re', e 42,360. 67Y ri kajlabal ri samajela' chi achi'a' chi ixoqi' e 7,337. Y chuqa' ek'o 245 bixanela' chi achi'a' chi ixoqi'. 68Y ek'o chuqa' e 736 kikiej, y ri kowilej taq kiej e 245. 69Ri ki-camello e 435, y 6,720 kibur.
70Y jujun chike ri ek'o kan pa kiwi' ri ach'alalri'il xkiya' sipanik richin ri samaj. Yin Nehemías xinya' belejlajuj libra q'anapueq, richin ri beyomel, kawineq lajuj nima'q taq leq, y 530 jal tzieq kichin ri sacerdote. 71Ri ek'o kan pa kiwi' ri ach'alalri'il, xkiya' richin ri beyomel richin ri samaj oxi' quintal rik'in oxi' arroba q'anapueq y juwineq waqi' quintal saqipueq; 72Y ri ch'aqa' chik winaqi' richin ri tinamit xkiya' oxi' quintal rik'in oxi' arroba q'anapueq, juwineq wo'o' quintal saqipueq y oxk'al wuqu' jal tzieq kichin ri sacerdote. 73Y ri e sacerdote, ri ch'aqa' chik levita, ri e chajiy ruchi' ri rachoch ri Dios, ri bixanela', ri samajela' richin ri rachoch ri Dios y k'iy winaqi' judío xebek'oje' pa taq kitinamit.
Ri Esdras nusik'ij ri pixa' chikiwech ri winaqi'
Chupan k'a ri ik' wuqu' toq xkichojmirisala' yan qa ri kachoch ri nuwinaq pa taq kitinamit, jari' toq
Currently Selected:
Neh 7: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
