Neh 12
12
Ri e sacerdote y ri e levita
1-7Jare' ri sacerdote y ri e levita ri xetzolin-pe rik'in ri Zorobabel y rik'in ri Josué. Ri sacerdote ri e aj-raqen ri ek'o pa ruq'a' ri Josué ja ri Seraías, ri Jeremías, ri Esdras, ri Amarías, ri Maluc, ri Hatús, ri Secanías, ri Rehúm, ri Meremot, ri Idó, ri Guinetón, ri Abías, ri Mijamín, ri Maadías, ri Bilgá, ri Semaías, ri Joiarib, ri Jedaías, ri Salú, ri Amoc, ri Hilquías y ri Jedaías. 8Ri levita, ri bixanela' ri yepa'e' pa kik'ojelibal toq yematioxin jare': Ri Josué, ri Binuy, ri Cadmiel, ri Serebías, ri Judá y ri Matanías ri aj-raqen pa kiwi' rije'. 9Y ri ch'aqa' chik ri yepa'e' juk'an chik, ja ri Bacbuquías y ri Uní.
10Jare' ri ruchojmilal ri rijatzul ri nimalej sacerdote Josué: Rija' xralk'ualaj ri Joaquim, y ri ruk'ajol ja ri Eliasib, 11y ri ruk'ajol ri Eliasib ja ri Joiadá, ri Joiadá rutata' ri Johanán y ri Johanán rutata' kan ri Jadúa.
12-21Pa ruq'ijul ri nimalej sacerdote Joaquim, ri sacerdote ri aj-raqen ri ek'o pa ruwi' ri aj pa kachoch ja ri Seraías, ri Meraías, ri Jeremías, ri Hananías; ri Esdras, ri Mesulam; ri Amarías, ri Johanán; ri Melicú, ri Jonatán; ri Sebanías, ri José; ri Harim, ri Adná; ri Meraiot, ri Helcai; ri Idó, ri Zacarías; ri Guinetón, ri Mesulam; ri Abías, ri Zikrí; ri Miniamín, ri Moadías, ri Piltai; ri Bilgá, ri Samúa; ri Semaías, ri Jonatán; ri Joiarib, ri Matenai; ri Jedaías, ri Uzí; ri Salai, ri Calai; ri Amoc, ri Éber; ri Hilquías, ri Hasabías; ri Jedaías, y ri Natanael.
22Xtz'ibatej k'a kibi' ri aj-raqen kichin ri ach'alalri'il kichin ri e levita, ri xek'oje' pa ruq'ijul ri Eliasib, ri Joiadá, ri Johanán, ri Jadúa y ri Darío, rey richin Persia. 23Jak'a toq kamineq chik ri Johanán rumam kan ri Eliasib, man xtz'ibatej ta chik bi'aj.
24Ri aj-raqen pa kiwi' ri e levita y ri bixanela' ja ri Hasabías, ri Serebías y ri Josué ruk'ajol ri Cadmiel. Chikiwech rije' ek'o ka'i' tzobaj bixanela', ri jun tzobaj nibixan-apo y ri jun chik tzobaj chuqa' yebixan-pe. Y rije' yematioxin y nikiya' ruq'ij ri Dios, achi'el ri ruchojmilal ri ruya'on kan ri rey David, achin richin ri Dios.
25Y ri Matanías, ri Bacbuquías, ri Abdías, ri Mesulam, ri Talmón y ri Acub ja rije' ri yechajin ruchi' ronojel ri jay richin ri yakonabel richin ri rachoch ri Dios. 26Ri k'a juba' keqanataj-qa xek'ase' chupan ri ruq'ijul ri Joaquim ri ruk'ajol ri Josué y rumam kan ri Josadac, chupan chuqa' ri nuq'ijul toq yin Nehemías in aj-raqen pa ruwi' ri ruwach'ulew Judá, y chupan chuqa' ri ruq'ijul ri sacerdote Esdras ri tijonel.
Matioxinik roma xk'achoj ri tz'aq
27Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira. 28Chuqa' xemol k'a ri bixanela' levita, ri ek'o chunaqaj ri Jerusalem y ri ek'o pa taq kokoj tinamit richin ri tinamit Netofá, 29ri Guilgal, ri pa taq juyu' richin ri Gueba y ri Azmávet, roma rije' kibanalon-qa kokoj taq tinamit chuchi-el ri Jerusalem. 30Y ri sacerdote y ri levita xkich'ajch'ojirisaj-ki' kan achi'el nubij ri pixa'. Keri' chuqa' xkiben kik'in ri winaqi' ri e richin ri tinamit y keri' chuqa' xkiben rik'in ri tz'aq y ri ruchi'.
31Yin Nehemías xinben chike ri aj-raqen chi xejote' pa ruwi' ri tz'aq. Y chuqa' xinben chi xejote' ri ka'i' nima'q taq tzobaj bixanela', richin nikiya' ruq'ij ri Jehová Dios, ri nabey tzobaj xebe pa ijkiq'a' pa ruwi' ri tz'aq ri napon-qa pa ruchojmilal ri ruchi' ri toribel q'ayis. 32Y chikij re bixanela' re' e beneq ri Hosaías e rachibilan ri nik'aj chike ri aj-raqen, 33y chuqa' ri Azarías, ri Esdras, ri Mesulam, 34ri Judá, ri Benjamín, ri Semaías y ri Jeremías, 35e kachibilan chuqa' ri sacerdote ri kik'uan trompeta, chuqa' ri Zacarías ri ruk'ajol ri Jonatán, ri Jonatán ruk'ajol kan ri Semaías, ri Semaías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Zacur, ri Zacur ruk'ajol kan ri Asaf. 36Y chuqa' chikij rije' e beneq ri yeq'ojoman jalajoj ruwech taq q'ojom: Ri Semaías, ri Azarel, ri Milalai, ri Guilalai, ri Maai, ri Natanael, ri Judá y ri Hananí. Y rije' xkiq'ojomaj ri q'ojom achi'el xukusaj ri David ri rusamajel ri Dios ojer kan. Y ri tijonel Esdras ik'owineq chikiwech rije'. 37Y ri bixanela' xebiyin pa ruwi' ri tz'aq y xeq'ax pa ruwi' ruchi' ri tz'aq pa ruchojmilal ri ralaxbel-ya'. Xejote-q'anej k'a chuchi' ri rutinamit kan ri rey David y xeq'ax chunaqaj ri rachoch. Xe'apon-q'anej k'a chuchi' ri tz'aq akuchi ye'el-ye'ok-wi ri erey taq ya', pa ruchojmilal akuchi nel-pe ri q'ij.
38Ri ruka'n tzobaj bixanela' e beneq pa xokon, y yin in beneq chikij ri pa ruwi' ri tz'aq rik'in ri nik'aj chik tinamit. Xojtiker-el rik'in ri rachoch ri chajinel ri k'o pa ruwi' ri tz'aq akuchi k'o-wi ri Horno, y xojapon k'a akuchi nim ruwech ri tz'aq. 39Y xojq'ax pa ruwi' ri ruchi' ri tz'aq ri nibe pan Efraín, ri ruchi' ri tz'aq rubini'an Jesaná, ri ruchi' ri akuchi ye'ok-wi ri k'ayil taq ker, ri ruchi' ri rachoch ri chajinel ri k'o pa ruwi' ri tz'aq richin ri Hananel, ri rachoch ri chajinel ri k'o pa ruwi' ri tz'aq ri nibix Cien chire y chuqa' ruchi' ri tz'aq akuchi ye'ok-wi ri karne'l, y xojbepa'e' k'a akuchi ek'o-wi ri ruchi' kichin ri chajinela'. 40Y toq xkik'ul-ki' ri ka'i' tzobaj bixanela', xojmatioxin, y xojok-apo qonojel chuwa-jay chire ri rachoch ri Dios.
41Y ri sacerdote ri yexupun ri trompeta ja ri Eliaquim, ri Maaseías, ri Miniamín, ri Micaías, ri Elioenai, ri Zacarías, ri Hananías, 42ri jun chik Maaseías, ri Semaías, ri Eleazar, ri Uzí, ri Johanán, ri Malquías, ri Elam y ri Éser. Y ri bixanela' xebixan rik'in ronojel kuchuq'a' y ri Izrahías, jari' ri kitijonel. 43Chupan ri q'ij ri' janila kamelabel xqasuj, y qonojel xojkikot roma ri Dios xuya' jun nimalej uxlanibel-k'u'x chiqe. Chuqa' ri ixoqi' y ri ak'uala' kan janila xekikot. Ri kikoten ri xbanatej pa Jerusalem k'a nej xapon-wi ri rutzijol.
44Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'. 45Y k'ari' ri sacerdote kan xe'ok k'a samajela' richin ri Dios y xkich'ajch'ojirisaj-ki'. Chuqa' xekich'ajch'ojirisaj ri bixanela' y ri chajinela'. Xkiben k'a ri kisamaj achi'el ri rupixa' ri David y ri Salomón ri ruk'ajol. 46Toq k'a e k'es na ri David y ri Asaf, ri ojer kan xek'oje' aj-raqen chikikojol ri bixanela' toq yebixan richin nikiya' ruq'ij ri Dios y yematioxin chire.
47Chupan ri ruq'ijul ri Zorobabel y yin ri in aj-raqen; chupan ri q'ij ri' ri tinamit xuya' kiway ri bixanela' y ri chajinela' richin ri rachoch ri Dios. Chuqa' xkiya' juba' chire ronojel chike ri levita, y re levita re' xkiyala' chuqa' chike ri sacerdote ri e rijatzul kan ri Aarón.
Currently Selected:
Neh 12: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
