Neh 11
11
1Ri aj-raqen xek'oje' kan pa Jerusalem, jak'a ri ch'aqa' chik winaqi' man jun akuchi yek'oje-wi. Roma ri' xkiben jun sakinik richin xkinabej achike ri yek'oje' kan pa Jerusalem. Y xbanatej k'a chi jun jay wineq chire ri lajuj yek'oje' kan chiri', jak'a ri ch'aqa' chik xebek'oje' pa taq ch'aqa' chik tinamit. 2Chirij re' ri winaqi' ri xe'el-el xkiya' kan urtisanik pa kiwi' ri xek'oje' kan.
3-4Jujun chike ri e sacerdote, ri e levita, ri yesamej pa rachoch ri Dios, ri kijatzul ri e rusamajela' kan ri Salomón y ch'aqa' chik qawinaq xebek'oje' k'a pa taq kokoj tinamit. Jak'a ri aj-raqen pa kiwi' konojel winaqi' y chuqa' ri winaqi' benjamita xek'ase' pa Jerusalem. Ri rubi' ri jun chike ri aj-raqen ja ri Ataías ri ruk'ajol kan ri Ozías, ri Ozías ruk'ajol kan ri Zacarías, ri Zacarías ruk'ajol kan ri Amarías, ri Amarías ruk'ajol kan ri Sefatías, ri Sefatías ruk'ajol ri Mahalalel, ri Mahalalel rijatzul kan ri Fares.
5Y ri rubi' ri jun chik aj-raqen judío ja ri Maaseías, ruk'ajol ri Baruc, ri Baruc ruk'ajol kan ri Colhozé, ri Colhozé ruk'ajol kan ri Hazaías, ri Hazaías ruk'ajol kan ri Adías, ri Adías ruk'ajol kan ri Joiarib, ri Joiarib ruk'ajol kan ri Zacarías, ri Zacarías ruk'ajol kan ri Siloní. 6Ri kajlabal ri aj-labal ri e rijatzul kan ri Fares ri xek'oje' pa Jerusalem, e 468.
7Y ek'o k'a ka'i-oxi' aj-raqen benjamita ri xek'oje' pa Jerusalem, ri rubi' ri jun ja ri Salú, ruk'ajol ri Mesulam, ri Mesulam ruk'ajol kan ri Joed, ri Joed ruk'ajol kan ri Pedaías, ri Pedaías ruk'ajol kan ri Colaías, ri Colaías ruk'ajol kan ri Maaseías, ri Maaseías ruk'ajol kan ri Itiel, ri Itiel ruk'ajol kan ri Isaías. 8Chirij ri Salú ek'o ri Gabai y ri Salai. Y ri kajlabal konojel rije' e 928. 9Ri ruka'n aj-raqen, ja ri Joel ruk'ajol ri Zicrí, y ri rox aj-raqen ja ri Judá ruk'ajol ri Senuá.
10-14Ek'o k'a waqi' aj-raqen pa kiwi' ri e sacerdote. Ri nabey ja ri Jedaías ruk'ajol ri Joiarib, ri ruka'n ja ri Jaquín, ri rox ja ri Seraías, ruk'ajol ri Hilquías, ri Hilquías ruk'ajol kan ri Mesulam, ri Mesulam ruk'ajol ri Sadoc, ri Sadoc ruk'ajol kan ri Meraiot, ri Meraiot ruk'ajol kan ri Ahitub, rija' jun chike ri aj-raqen pa ruwi' ri rachoch ri Dios. Y re e oxi' re' ek'o e 822 kisamajela'. Ri rubi' ri rukaj ja ri Adaías ruk'ajol ri Jeroham, ri Jeroham ruk'ajol kan ri Pelalías, ri Pelalías ruk'ajol kan ri Amsí, ri Amsí ruk'ajol kan ri Zacarías, ri Zacarías ruk'ajol kan ri Pashur, ri Pashur ruk'ajol kan ri Malquías. Rija' ek'o e 242 rusamajela'. Ri ro' ja ri Amasai, ruk'ajol ri Azarel, ri Azarel ruk'ajol ri Ahzai, ri Ahzai ruk'ajol kan ri Mesilemot, ri Mesilemot ruk'ajol kan ri Imer. Rija' ek'o e 128 rusamajela'. Y ri Zabdiel ruk'ajol ri Guedolim, ja rija' aj-raqen pa kiwi' konojel rije'.
15-17Ek'o e wuqu' levita ri k'o más kiq'ij ri xek'oje' kan pa Jerusalem. Y ri nabey rubini'an Semaías, ruk'ajol ri Hasub, ri Hasub ruk'ajol kan ri Azricam, ri Azricam ruk'ajol kan ri Hasabías, ri Hasabías ruk'ajol kan ri Binuy. Ri ruka'n ja ri Sabtai, y ri rox ja ri Jozabad, y re ka'i' re', ja rije' ri yetz'eton ri samaj ri niban chuwa-jay chire ri rachoch ri Dios. Ri rukaj rubini'an Matanías ruk'ajol ri Micaías, ri Micaías ruk'ajol kan ri Zabdí, ri Zabdí ruk'ajol kan ri Asaf, rija' uk'uey kibey ri bixanela' toq niban ch'owen rik'in ri Dios, toq yebixan y chuqa' toq yojmatioxin. Ri ro' ja ri Bacbuquías ri xok to'onel richin ri Matanías. Y ri ruk'isibel ja ri Abdá ruk'ajol ri Samúa, ri Samúa ruk'ajol ri Galal, ri Galal ruk'ajol kan ri Jedutún. 18Ri kajlabal ri levita ri xek'ase' pa tinamit Jerusalem, e 284.
19Chuqa' xek'oje' kan pa Jerusalem ri Acub y ri Talmón richin nikichajij ri ruchi' ri rachoch ri Dios. Y ri kajlabal ri achi'a' ri xek'oje' kan pa kiq'a' e 172.
20Y jujun chike ri sacerdote y ri levita y ri ch'aqa' chik qawinaq xek'ase' chikijujunal pa taq kixoral pa Judá. 21Y ri samajela' richin ri rachoch ri Dios xek'oje' chiri' pa juyu' Ófel ri k'o pa tinamit Jerusalem. Ri Sihá y ri Guispá ja rije' ri ek'o pa kiwi' ri samajela' ri'.
22Y ri aj-raqen pa kiwi' ri levita ri ek'o pa Jerusalem, ja ri jun achin rubini'an Uzí, ruk'ajol ri Baní, ri Baní ruk'ajol ri Hasabías, ri Hasabías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Asaf. Y ri Uzí ja rija' uk'uey-bey kichin ri bixanela' pa rachoch ri Dios, 23roma chupan ri q'ij ri', ri rey kan jantape' xubij chike ri bixanela' ri k'o chi nikiben ronojel q'ij.
24Y ri aj-raqen ri xk'oje' rik'in ri rey richin Persia ja ri Petahías, ruk'ajol ri Mesezabel, rijatzul kan ri Zérah, ruk'ajol ri Judá.
Ch'aqa' chik tinamit akuchi xek'oje-wi
25K'o jujun chike ri judío ri xek'ase' chupan ri ch'aqa' chik tinamit y kokoj taq tinamit y pa taq juyu' akuchi yetikonej-wi: Pa Quiriat-arbá, pa Dibón, pa Jecabseel, 26pa Josué, pa Moladá, pa Bet-pélet, 27pa Hazar-sual, pa Beerseba, 28pa Siclag, pa Meconá, 29pan En-rimón, pa Sorá, pa Jarmut, 30pa Zanóah, pan Adulam, pa Laquis y pan Azecá. Rije' xek'ase' k'a kan pa ruwach'ulew Judá, nitiker-pe pa Beerseba y napon k'a pa taq'aj kojol juyu' Hinom.
31K'o jujun chike ri benjamita, ri xek'ase' kan chupan ch'aqa' chik tinamit y kokoj taq tinamit: Pa Gueba, pa Micmás, pan Aías, pa Betel 32pan Anatot, pa Nob, pan Ananías, 33pan Hasor, pa Ramá, pa Guitaim, 34pan Hadid, pa Seboím, pa Nebalat, 35pa Lod, pan Onó y ri taq'aj kojol juyu' ri akuchi yesamajix abej. 36Y chuqa' ek'o jujun chike ri levita xkik'ul kulew chupan ri ruwach'ulew Judá y pa ruwach'ulew Benjamín.
Currently Selected:
Neh 11: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
