Neh 10
10
1Ja ronojel bi'aj re' ri niq'alajin chuwech re jun wuj re', kan xqaya' kan retal rik'in ri qabi' chiqajujunal: Yin Nehemías in ruk'ajol ri Hacalías in aj-raqen pa ruwi' ri ruwach'ulew. Y chuqa' xkitz'ibaj kan kibi' ri Sedequías, 2ri Seraías, ri Azarías, ri Jeremías, 3ri Pashur, ri Amarías, ri Malquías, 4ri Hatús, ri Sebanías, ri Maluc, 5ri Harim, ri Meremot, ri Abdías, 6ri Daniel, ri Guinetón, ri Baruc, 7ri Mesulam, ri Abías, ri Mijamín, 8ri Maazías, ri Bilgai y ri Semaías. Konojel re' e sacerdote.
9Y ri ch'aqa' chik levita chuqa' xkiya' kan kibi' chuwech ri wuj, y ri kibi' rije' jare': Ri Josué ruk'ajol ri Azanías, ri Binuy jun chike ri e rijatzul kan ri Henadad, ri Cadmiel, 10ri Sebanías, ri Hodías, ri Quelitá, ri Pelaías, ri Hanán, 11ri Micaías, ri Rehob, ri Hasabías, 12ri Zacur, ri Serebías, jun chik Sebanías, 13ri jun chik Hodías, ri Baní y ri Beninu.
14Y ri tata'al chuqa' xkiya' kan kibi' chuwech ri wuj, y ri kibi' rije' jare': Ri Parós, ri Pahat-moab, ri Elam, ri Zatú, ri Baní, 15ri Binui, ri Azgad, ri Bebai, 16ri Adonías, ri Bigvai, ri Adín, 17ri Ater, ri Ezequías, ri Azur, 18ri Hodías, ri Hasum, ri Besai, 19ri Harif, ri Anatot, ri Nebai, 20ri Magpías, ri Mesulam, ri Hezir, 21ri Mesezabel, ri Sadoc, ri Jadúa, 22ri Pelatías, ri Hanán, ri Anaías, 23ri Oseas, ri Hananías, ri Hasub, 24ri Halohés, ri Pilhá, ri Sobec, 25ri Rehúm, ri Hasabná, ri Maaseías, 26ri Ahías, ri Hanán, ri Anán, 27ri Maluc, ri Harim, y ri Baaná.
Ch'aqa' chik jikibel-tzij ri xkiben ri winaqi'
28Ri ch'aqa' chik sacerdote, ri e levita, ri chajinela' richin ruchi' ri rachoch ri Dios, ri bixanela', ri samajela' richin ri rachoch ri Dios, y ri ch'aqa' chik winaqi' richin ri tinamit xa kich'aron-ki' kik'in ri ch'aqa' chik winaqi' ri man e kiwinaq ta, roma rije' xkitaqej rupixa' ri Dios. Konojel re winaqi' re' xkiya' chikiwech junan kik'in ri kixjayilal, ri kimi'al-kik'ajol, y konojel kalk'ual ri niq'ax chik chikiwech, richin nikitaqej ri pixa' ri'. 29Konojel rije' xkimol-ki' kik'in ri kach'alal ri k'o más kiq'ij ri kan xkiya' kitzij chi rije' kan xtikiben na wi ri nubij ri rupixa' ri Dios ri xuya' chire ri Moisés ri rusamajel. Y wi man xtikiben ta, kan tiqaqa k'a ri ruk'ayewal pa kiwi'.
30Y rije' kan kere' k'a xkibij: Man xtiqaya' ta q'ij chi ri qami'al-qak'ajol xkek'ule' kik'in xtani' o alaboni' ri man e qawinaq ta.
31Roj man xtiqaloq' ta ni jun chikiwech ri winaqi' ri yepe juk'an chik tinamit ri ye'ok'ayin chupan ri q'ij richin uxlanenri'il, y ri ch'aqa' chik q'ij toq k'o nimaq'ij, kan man xtiqaloq' ta ni ri richin yetij. Y chuqa' toq napon ri wuqu' juna' man jun tiko'n niqaben chuwech ri ulew richin nuxlan y chuqa' xabachike ruwech k'as xtiqakuy.
32Y chuqa' xqaq'et pa qawi' ri ruchojmilal richin chiqajujunal k'o chi niqaya' jutaqba' ronojel juna', richin niqatoj ronojel re': 33Ri kaxlan-wey ri kan richin pa rachoch ri Dios, ri sipanik richin jalajoj ruwech ixin ri yesipex ronojel q'ij, ri taq chikopi' ri yeporox jumul ronojel q'ij, ri taq chikopi' ri yesuj chupan ri q'ij richin uxlanenri'il, ri niban toq k'ak'a' ik' y ri ch'aqa' chik nimaq'ij ri niban ronojel juna', ri sipanik ri kan ek'o rejqalen, ri kamelabel ri niban richin kuyubel qamak y richin ronojel ilinik ri niban pa rachoch ri Dios.
34Kan xqelesaj k'a rik'in sakinik ri kibi' ri qawinaq, ri e sacerdote y ri ch'aqa' chik levita, ri achike yek'amo-pe ri si' ri nik'atzin richin ri porobel pa rachoch ri Jehová, achi'el ri tz'ibatel kan chupan ri pixa'. 35Y chuqa' xqabij chi ronojel juna' xtiqak'en-pe pa rachoch ri Jehová ri nabey ruwech taq che' ri yetij, y ri nabey taq ruwech ri qatiko'n. 36Y keri' chuqa' ri nabey taq qak'ajol y ri nabey taq kal ri qawej, xtiqak'en-pe pa rachoch ri Dios, chikiwech ri sacerdote ri yesamej chiri', achi'el ri tz'ibatel kan chupan ri pixa'.
37Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol. 38Y toq rije' nikik'ul ri jun chire ri lajuj, k'atzinel chi kachibilan jun sacerdote ri rijatzul kan ri Aarón. Y xtikik'uaj ronojel re' chiri' pa yakonabel richin ri beyomel chupan ri rachoch ri Dios. 39Keri' chuqa' roj y ri e levita xtiqak'uaj chupan ri yakonabel richin ri beyomel, ronojel ri jalajoj ruwech sipanik, achi'el ri jalajoj ruwech ixin, ri vino y ri aceite. Y xtibeqaya' kan chiri' pa rachoch ri Dios, ri akuchi ek'o-wi ronojel samajibel ri nikisamajij ri sacerdote, ri e chajinela' y ri bixanela'. Y keri' xqaya' qatzij chi man niqamalij ta kan ri rachoch ri qa-Dios.
Ri winaqi' richin ri Jerusalem
(1 Crón 9:1-34)
Currently Selected:
Neh 10: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
