Job 8
8
Ri nabey ruch'owen ri Bildad rik'in ri Job
1Y xeri' ja ri Bildad ri aj-Súah ri xch'on rik'in ri Job y xubij:
2¿K'a janipe' k'a yatane' richin yach'on keri',
roma ri ach'abel xa nutukukej ronojel achi'el nuben jun surkum?
3¿Nuben kami ri Dios chi nuxotoba' rubanik ri ruq'atoj-tzij?
¿Nuben kami rija', ri k'o ronojel uchuq'a' pa ruq'a', chi nuxotoba' rubanik ri chojmilal?
4Achi'el ta k'a xkiben ri awalk'ual ri', toq rije' xemakun,
rija' kan xuya' ri rutojbalil ri kimak.
5Ri ruk'amon k'a chi naben rat wakami, ja ri nakanoj to'onik rik'in ri Dios.
Kan tak'utuj k'a utzil chire rija' ri k'o ronojel uchuq'a' pa ruq'a' chi karukolo'.
6Xa ta rat ch'ajch'oj y choj ri ak'aslen,
kan ja yan ta re' nuchop achajixik,
y ronojel ta choj nel chawech, roma kan at choj chuwech rija'.
7Stape' ri abeyomel pa nabey kan ti juba' ok,
ri xtibek'oje' awik'in kan más nim chuwech ri xk'oje' awik'in pa nabey.
8Tak'utuj k'a chike ri winaqi' ri achike xkiq'axala' ri sol winaqi' ri xeq'ax yan,
kan taquqa' rij ri xkiq'axala' rije'.
9Roma roj xa oj richin ok iwir-kabijir k'a man jun ok qetaman,
y re qak'aslen chuwech re chuwach'ulew, xa chi'anin niq'ax achi'el niq'ax jun muj.
10Jak'a ri kina'oj ri ojer taq winaqi' kan k'o ri nikik'ut chawech;
kan k'a xkech'on na awik'in rik'in ri ketamabal ri k'o kan.
11¿Nik'iy kami ri pop, ri akuchi xa maneq ch'abeq?
¿Nik'iy kami ri aj ri akuchi xa maneq ya'?
12Man rik'in ri' stape' k'a man jani e choyon ta,
xa k'a e tikil na y rex kibanon,
xa más chi'anin yechaqi'j-qa chikiwech ch'aqa' chik q'ayis.
13Kan keri' k'a nikik'uluwachij ri winaqi' ri nikimestaj kan ri Dios;
ri kan maneq-wi Dios chikiwech kan man jun chik utz ri xtikoyobej-apo;
14Xa achi'el jun ti betz' ri oyobenri'il ri k'o kik'in.
Chuqa' xa achi'el ok rurach'iyal ri rukem om keri' ri kikuqubabel-k'u'x rije'.
15Xtikajo' xtikito-ki' chiri', y xa man xtikikoch' ta;
xtikajo' xkechake' chirij y man xtikowin ta.
16Ri itzel taq achi'a' xa e achi'el ri che' ri jebel rex kibanon;
jebel kibanon stape' chuwa-q'ij ek'o-wi,
y ri kiq'a' k'a nej yebe-wi, kan ye'el pa ruwi' ri qejoj.
17Ri achi'a' ri' xa e achi'el ri che' ri kan nukem-ri'.
Ri kixe' ri pa taq abej kan nikikanoj ri kibey kojol taq abej.
18Jak'a wi ri che' ri' nik'uq-el ri akuchi xtike-wi,
xa kan man xtiq'alajin ta wi xk'oje' chiri'.
19Keri' k'a ri jun che' ri', xtipune' pa bey y xtiq'ey-qa chiri';
y ri akuchi xtike-wi, kan xkebe'el chik pe ch'aqa' ruwech q'ayis.
20Ri Dios kan man numalij ta kan ri choj ruk'aslen,
y chuqa' man yeruyuqej ta ri yebanon etzelal.
21Rija' xtuben chawe chi kan xkatze'en,
y kan xtuben chawe chi kan xkakikot.
22Roma ri' ri xke'etzelan awichin kan janila xkek'ixbitej;
y ri kixjayilal y ri kalk'ual ri itzel taq achi'a' xa xkek'is.
Currently Selected:
Job 8: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
