Job 35
35
Ri Elihú nunataj chire ri Job ri yeruben
1Ri Elihú kan xubij chik k'a chire ri Job:
2¿Nach'ob rat chi kan utz ri xabij chi rat más at choj chuwech ri Dios?
3Roma rat kere' xabij chire ri Dios: ¿Kan yarumej kami rat ri numak yin?
Roma xa ja yin ri yinejqalen wi k'o mak ri nubanon.
4Wakami k'a, xtink'uluba-apo ri ach'abel y chuqa' kich'abel ri awachibil.
5Rat Job, katzu'un na pe el chikaj y tatzu' k'a akuchi k'o-wi ri kaj
tatzu-q'anej ri sutz', y xtatz'et chi kan k'a nej k'o-wi el chawe.
6Wi rat yamakun, chire ri Dios xa man jun nuben,
o wi rat jantape' naq'ej ruwi' ri rutzij ri Dios,
rik'in re abanobal re', man jun nuben chire rija'.
7Y wi kan ja ri utz naben, chire ri Dios man jun nuk'en-pe,
rik'in ri utzilej abanobal rat, ri Dios xa man jun nuk'ul roma ri'.
8Jak'a toq rat yamakun, chike ri winaqi' ri e achi'el rat kan itzel nuben,
y toq choj ri k'aslen ak'uan, chuqa' chike ri winaqi' ri' kan utz ri nuk'en-pe.
9Ri winaqi' xaxe ok toq nipe ruk'ayewal chikij ye'oq',
kan nikajo' k'a chi k'o ta jun ri yekolon pa kiq'a' ri yeya'on kichin pa ruk'ayewal.
10Man rik'in ri' man nikikanoj ta ri Dios ri k'iytisayon kichin,
ri nitikir nuben chire jun wineq, chi nibixan stape' k'o chupan ri más q'equ'm chire ri ruk'aslen.
11Ri Dios nitikir chuqa' nuya' más etamabel chire ri wineq,
ke chuwech ri ruya'on chike ri chikopi' ri yebiyaj pa ruwi' ulew, y ri aj-xik' taq chikopi'.
12Y stape' ek'o winaqi' ri yech'on-q'anej rik'in ri Dios, richin nikik'utuj kito'ik, jak'a ri Dios man yerak'axaj ta,
roma rije' kan kinimirisan-ki' chuwech y kan e aj-maki'.
13Man nik'atzin ta k'a chi rije' kan rik'in oq'ej yech'on-q'anej rik'in,
roma ri Dios ri k'o ronojel uchuq'a' pa ruq'a' kan man xkerutzu' ta y ni man xkerak'axaj ta pe.
14Stape' rat man natzu' ta ruwech ri Dios, rija' kan yarak'axaj-pe.
Ri ach'ojinik kan k'o chik k'a q'anej rik'in rija';
roma ri' rat xaxe k'a tawoyobej ri achike xtuben awik'in.
15Rat nabij chi ri Dios kan nipe-wi royowal, jak'a xa man nuya' ta rutojbalil ri mak,
y man nuya' ta rejqalen ri kibanobal ri e aj-maki'.
16Rik'in re' niq'alajin chi rat Job, yach'on xaxe richin nabananej,
janila k'iy ch'abel ye'abila' y xa man awetaman ta ri achike ye'abila'.
Currently Selected:
Job 35: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
