Job 25
25
Ri nimalej ruchuq'a' ri Dios
1K'ari' xch'on chik ri Bildad y xubij:
2Ri Dios ri kan k'o ronojel uchuq'a' rik'in y kan k'o rukiy; pa ruq'a' rija' k'o-wi ronojel,
roma ri' kan tikirineq rubanon chi k'o uxlanibel-k'u'x chila' chikaj.
3Ri aj-labal ri ek'o rik'in rija' kan man e ajlatel ta,
y ri saqil ri nuya-pe rija', kan pa kiwi' k'a konojel niqaqa-wi.
4¿Kan nitikir kami nubij jun wineq chire ri Dios chi man aj-mak ta?
Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.
5Roma chuwech ri Dios jajun ri rusaqil ri ik', xa chaj-chaj nitzu'un,
y ri kisaqil ri ch'umila', xa yemoymot chuwech rija';
6K'a ta la chik jun wineq, xa man jun ok chuwech ri Dios, xa achi'el ok jun ti jut,
ri achin xa achi'el ok jun ti rixkolob-ulew chuwech rija', xcha' ri Bildad.
Currently Selected:
Job 25: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
