Job 17
17
Ch'aqa' chik ruq'axo'n ri Job
1Ri nuk'aslen xa napon yan pa ruk'isibel;
ri q'ij richin ri nuk'aslen chuwech re ruwach'ulew xa juba' chik ok,
xa kan iroyoben chik k'a ri jul ri akuchi xkibemuq-wi kan.
2Ri ek'o-pe wik'in xa winaqi' ri yekikot y yetze'en chuwij,
ri chi'aq'a' ri nuwech xa man jun ti yup waran nuben roma ri q'axo'n.
3Nu-Dios yin kan tabana' chi awik'in ta rat ninwil-wi nuto'ik,
roma xa kan man jun wineq ri nrajo' chi yiruto' ta rik'in ri ninbij yin.
4Rat kan abanon k'a chike ri winaqi' ri' chi ri kinojibal man yeruto' ta,
roma ri', kan tabana' chi man ta yech'akon chuwij.
5Rije' xa nikiben achi'el nubij ri tzij:
Ri achin k'o ri nutaluj chikiwech ri rachibil,
rokik ri ralk'ual man jun nikik'ul y yewayjan.
6Xa banon k'a chuwe chi kan xaxe chik yin ri yinkitzijoj ri winaqi' y nuyek kitze'en,
y chikiwech rije' xa kan ruk'amon chi yin nichubex ri nupalej.
7Ri runaq' taq nuwech xa e q'equmatajineq chik roma ri q'axo'n,
y ri nuch'akul xa xbaqir yan qa.
8Y toq ri winaqi' choj kik'aslen xtikitz'et ri ruk'ayewal ri ninq'axaj,
kan achike na xtikitz'et,
y xtipe koyowal y xkeyakatej-pe chuwij richin nikibij chi yin maneq Dios chinuwech.
9Y ri yech'obon chi kan choj ri kik'aslen,
kan keri' xtikiben-apo jantape'.
Chuqa' roma kan nikich'ob chi ch'ajch'oj ri kik'aslen,
xtipe y xtipe más kuchuq'a'.
10Wakami rix ri kan jantape' yixtze'en chuwij, kixanpe chik k'a jun bey y kixtzijon chik wik'in,
y man jun k'a xtinwil chi'ikojol ri kan k'o ta runa'oj.
11Ri nujuna' kan anineq k'a e q'axineq kan;
ri nuch'obon chi ninben xa xyoj chinuwech.
Keri' chuqa' ronojel ri rurayibel ri wánima.
12Rix kan paq'ij yixcha' chire ri q'equ'm richin ri chaq'a'.
Y toq peteneq ri q'equ'm rix nibij chi jari' peteneq ri saqil.
13Jak'a yin, ri woyoben-apo, xaxe chik k'a yiq'ax akuchi ek'o-wi ri kaminaqi',
akuchi xkibek'oje-wi, richin yibenuxlan chiri' pa q'equ'm.
14Yin, nata' k'a xtinbij chire ri jul ri akuchi xkibemuq-wi kan.
Y chike ri jut ri xketijo wichin, kan xtinbij k'a nte' y wana' chike.
15¿Kan k'o ta kami k'a achike roma chi k'o ri ninwoyobej-apo?
¿Kan k'o ta kami jun wineq ri nitikir nitz'eto-apo chi k'o utz ri ruk'amon-pe chuwe ri q'ij ri e peteneq?
16Toq yin xkibe qa chupan ri jul chupan ri q'ij toq xkibemuq kan,
ri oyobenri'il ri k'o wik'in toq k'a in k'es, xa xtik'oje' kan.
Currently Selected:
Job 17: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
