ᓂᔥᑕᒻ ᑎᒧᑎ 2
2
ᑫ ᐃᑎᐗᔅᐸᓐ ᐅᑖᐺᑕᒧᐗᒃ ᐁ ᓇᑭᔥᑳᑐᒋᒃ
1ᐁᐗᑯ ᒫᑲ ᐅᒋ ᒪᐗᒋ ᓃᔥᑕᒻ ᓂ ᔑᑭᑫᒧᓐ, ᓇᑐᑕᒫᑫᐎᓇ, ᐋᔭᒥᐋᐎᓇ, ᐋᔭᒥᐁᔅᑕᒫᑫᐎᓇ ᓀᔥᑕ ᓇᓈᔅᑯᒧᐎᓇ ᑭᒋ ᐅᔑᑕᒫᒋᒃ ᒥᓯᐌ ᐃᓕᓕᐗᒃ; 2ᑭᒋᐅᑭᒪᐗᒃ, ᓀᔥᑕ ᒥᓯᐌ ᑳ ᑎᐯᓕᒋᑫᒋᒃ; ᑭᒋ ᑳᔮᒣᐎᓯᐎ ᓀᔥᑕ ᑳᔮᒣᓕᑕᒧᐎ ᐱᒫᑎᓯᔭᒃ ᒥᓯᐌ ᒪᓂᑐᐙᑎᓯᐎᓂᒃ ᓀᔥᑕ ᑾᔭᔅᑭᑎᐎᓂᒃ᙮ 3ᐌᓴ ᐁᐗᑯ ᒥᓨᔑᓐ ᓀᔥᑕ ᒥᓗ ᑲᓇᐙᐸᑕᒻ ᑭᒋᒪᓂᑐ ᑭ ᐱᒫᒋᐃᐌᒥᓇᐤ᙮ 4ᐊᓇ ᑳ ᓇᑕᐌᓕᒫᑦ ᒥᓯᐌ ᐃᓕᓕᐗ ᑭᒋ ᐱᒫᒋᐋᑲᓂᐎᓕᒋ, ᓀᔥᑕ ᑭᒋ ᐯᒋ ᑭᔅᑫᓕᑕᒥᓕᒋ ᑖᐺᐎᓂᓕᐤ᙮ 5ᐌᓴ ᐯᔭᑯ ᑭᒋᒪᓂᑐ, ᐯᔭᑯ ᓀᔥᑕ ᐅᑕᔭᒥᐁᔅᑕᒫᑫᐤ ᑕᔅᑕᐎᒡ ᑭᒋᒪᓂᑐᐗ ᓀᔥᑕ ᐃᓕᓕᐗ, ᐊᓇ ᐃᓕᓕᐤ ᙭ ᒋᓴᔅ; 6ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮ 7ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮
8ᓂ ᐸᑯᓭᓕᑌᓐ ᒫᑲ ᐃᓕᓕᐗᒃ ᒥᓯᐌ ᐃᑌ ᑭᒋ ᐋᔭᒥᐋᒋᒃ, ᐁ ᐅᐱᓇᑭᒃ ᐸᓓᑭ ᒥᒋᒋᔭ, ᐁᑳ ᐁ ᐋᑯᓚᐌᓯᒋᒃ ᐁᑳ ᓀᔥᑕ ᐁ ᑶᑕᐎᐃᑌᓕᑕᑭᒃ᙮ 9ᐁᑯᔑ ᓀᔥᑕ ᑖᐱᔅᑯᒡ ᐃᔅᑴᐗᒃ ᑭᒋ ᐙᐌᔑᐅᒋᒃ ᒀᔭᔉ ᐎᓛᒋᑲᓂᒃ, ᓕᑆᑳᐎᑯᒃ ᓀᔥᑕ ᐯᑳᒡ ᐃᑖᑎᓯᐎᓂᒃ; ᐁᑳ ᐁ ᐋᐱᑳᑕᑭᒃ ᐅᔅᑎᒀᓂᐱᐌᐗᐗ, ᐁᑳ ᓀᔥᑕ ᐅᓵᐎᔔᓕᐋᓈᐱᔅᑯᓕᐤ, ᐁᑳ ᓀᔥᑕ ᐙᐌᔑᐅᓇ, ᐁᑳ ᓀᔥᑕ ᑳ ᑭᔅᑕᑭᒋᑳᑌᓕᑭ ᐋᐸᒋᑖᐎᓇ; 10ᒫᑲ (ᑖᐱᔅᑯᒡ ᑫ ᐃᑎᐙᔅᐸᓐ ᐃᔅᑴᐗᒃ ᑳ ᐎᑕᑭᐤ ᐁ ᓵᑭᑖᒋᒃ ᒪᓂᑐᐙᑎᓯᐎᓂᓕᐤ) ᒥᓗ ᐊᑑᔅᑫᐎᓇ ᐅᒋ᙮ 11ᐁᑯᔑ ᐃᔅᑴᐤ ᑲᑕ ᐎ ᑲᑴ ᑭᔅᑫᓕᑕᒻ ᑭᐱᑐᐌᐎᓂᒃ ᒥᓯᐌ ᑕᐸᑌᓕᒧᐎᓂᒃ᙮ 12ᒫᑲ ᓇᒪᐎᓚ ᓂᑦ ᐃᓕᓇᐗᐤ ᐃᔅᑴᐤ ᑭᒋ ᑭᔅᑭᓄᐊᒫᑫᑦ, ᓇᒪ ᓀᔥᑕ ᑭᒋ ᑎᐯᓕᒫᑦ ᓈᐯᐗ, ᒫᑲ ᑭᒋ ᑭᐱᑐᐌᑦ᙮ 13ᐌᓴ ᐋᑕᒻ ᓃᔥᑕᒻ ᑮ ᐅᔑᐊᐤ, ᐁᑯ ᐃᑉ᙮ 14ᐋᑕᒻ ᒫᑲ ᓇᒪᐎᓚ ᑮ ᐙᔦᔑᐊᐤ, ᒫᑲ ᐃᔅᑴᐤ ᐁ ᑮ ᐙᔦᔑᐋᑲᓂᐎᑦ ᑮ ᐗᓂᑐᑕᒻ᙮ 15ᐁᓕᐌᒃ ᒫᑲ ᑲᑕ ᐱᒫᒋᐊᐤ ᐁ ᐗᐸᒪᐗᓱᑦ, ᑮᔥᐱᓐ ᑕᑭ ᐃᑕᑡᐌ ᑖᐺᔦᓕᑕᒧᐎᓂᒃ ᓀᔥᑕ ᓵᑭᐃᐌᐎᓂᒃ, ᓀᔥᑕ ᐸᓓᑭᓯᐎᓂᒃ ᐊᓯᒋ ᐯᑳᒡ ᐃᑖᑎᓯᐎᓂᒃ᙮
Currently Selected:
ᓂᔥᑕᒻ ᑎᒧᑎ 2: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.