San Marc 16
16
La risurressioun, l’apparissioun e l’assensioun dë Gesu‐Crist.
1Oura ’l dì dël Sabbat a l era passà, e Maria Madëlena, e Maria mare dë Giacou, e Saloume a l han coumprà d’aromati, për vëni‐lou ëmbalsamé.
2E a la matin bin da boun oura, ’l prim dì dë la sëmana, a soun arrivà al sepulcro, ’l soul essend lëvà.
3E a disiou tra dë lour: Chi è‐lou ch’a ne farà rubaté la pera dë l’intrada dël sepulcro?
4E avend guardà, a l han vëdù chë la pera a l era lëvà; përché a l era moutouben granda.
5Peui essend ëntrà ënt ’l sepulcro, a l han vëdù un giouvou assëtà a banda dritta, coun una vesta bianca, e a soun sbaruà‐sse.
6Ma chiel a l ha di‐ie: Sbarue‐ve nen; i serche Gesu ’l Nazarian ch’a l è stait buttà sù la crouss; a l è arsussità, a l è nen sì; eccou ’l leug doua a l’ aviou buttà‐lou.
7Ma ënde, e die ai so dissepoul, e a Pietrou, ch’a së n’a va dënans a voui aiti ën Galilea; i lou vëdrì ënsilì, coum a l’ ha divë‐lou.
8A soun partis‐ne subit e a soun scapà‐sse dal sepulcro; përché ’l tramoulas e l’spavent a l avia pià‐ie, e a l han pa dit niente a nëssun, përché ch’a l aviou paura.
9Oura Gesu essend arsussità la matin dël prim dì dë la sëmana, a l è comparù‐ie ën prim leug a Maria Madëlena, dë laqual a l avia scassà sett demoni.
10E a s’è ëndà‐ssëne, e a l’ha announsià‐lou a coui ch’a l erou stait ënsem a chiel, ch’a l erou ënt ’l deul, e ch’a piouravou.
11Ma quand a l han senti di ch’a l era viv, e ch’a l’avia vëdù‐lou, a l’han nen crëdù‐la.
12Dop dë lon, a s’è moustrà‐sse souta un’auta fourma a doui tra dë lour, ch’a l erou për stra për ëndé ai camp.
13E cousti‐ssi essend tournà a l’han announsià‐lou ai aiti; ma a l han pa dëcò crëdù‐ie.
14Finalment, a s’è moustrà‐sse ai oundess, ch’a l erou assëtà ënsem, e a l ha rimprouverà‐ie soua incredulità e soua durëssa dë cœur, përché ch’a l aviou nen crëdù coui ch’a l’aviou vëdù‐lou arsussità.
15E a l ha di‐ie: Ande për tut ’l mound, e prediche l’evangeli a tutta creatura.
16Coul ch’a l avrà crëdù, e ch’a sarà stait batësà, a sarà salv; ma coul ch’a l avrà nen crëdù, a sarà coundanà.
17E cousti a saran i miracoul ch’a accoumpagnëran coui ch’a l avran crëdù: A scassëran i demoni ën mè nom; a parlëran dë linguage neuv;
18A piëran le serp coun la man; e quand a l avran bëvù una cosa mourtal, a i farà nëssun mal; a i ëmpounëran le man ai malavi, e a saran guari.
19Oura ’l Sëgnour, dop d’ avei‐ie parlà dë coula manera, a l è stait elevà sù al ciel, e a s’è assëtà‐sse a la dritta d’Iddiou.
20E lour essend parti a l han predicà dapërtut; e ’l Sëgnour a i agiutava, e a counfirmava la parola coun i proudigi ch’a i accoumpagnavou.
Currently Selected:
San Marc 16: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
